tacât
ta|cât
[FO]
-
p.pass., adi.
viôt tacâ
, viôt tacâsi
-
adi.
che al è tignût o al reste in contat:
un biliet par polonês e par inglês tacât cul scotch su chê centrâl al diseve che il congrès al jere rimetût sine die (Agnul di Spere, Messe di misdì a Varsavie);
l'om al spacà la camisole par parâ jù fros di soreâl tacâts intor (Maria Forte, La tiere di Lansing)
-
adi.
tant dongje:
plui dispès si sentave intor di un taulin tacât al mûr, al ordenave di bevi e al stave li a cjalâju (Amedeo Giacomini, Tal ospedâl);
un grop di cjasis tacadis in cuadri, come i inclustris di un convent (Pieri Menis, La gjaline robade);
jo cu la mestre, simpri tacade, rugnant, mi soi metût in code (Pieri Somede dai Marcs, A Aquilee)
-
(fig.)
tant dongje par vie de atenzion, de concentrazion, dal interès e v.i.:
simpri ferme e cidine cui voi tacâts ai veris a cjalâ la puarte di Vigji insom de place (Maria Forte, Il tei);
a tignivin i scoltadôrs cu la orele tacade aes cassis dal stereo (Max Mauro, Un Friûl difarent: i 90 mhz di Onde Furlane)
-
adi.
di bestie, prontade par tirâ il cjar o sim.:
sul puarton sierât a vevin cjatâts i nemâi tacâts tal cjar, fers, a spietâ che cualchidun lu vierzès (Pieri Menis, Perdon o imbroi?);
si smaraveà di viodi il puarton viert e, dentri, il cjaval tacât al caretin (Maria Forte, La tiere di Lansing)
-
adi.
(fig.)
che al è afezionât une vore:
Meni al divideve cun ducj lôr cheste gjonde, che al jere une vore tacât al so zimul (Gianni Gregoricchio, Trê feminis);
po, ducj insiemi, i fradis a fevelâ ae fantate; che a parevin tant bon, cussì tacâts e di figure civîl (Maria Forte, Cjase di Dalban);
chel bon omp di Svualt che al è tacât cun duta la anima a li sô monts (Ugo Pellis, Catinuta)
Sin. afezionât
, dedit
, interessât
, leât
, unît
-
che al manten un interès, une idee, un impegn e v.i.:
tal Gurizan une buine part di furlans autentics si tegnin tacâts intor des tradizions autonomistichis dal Friûl orientâl sot da la Austrie (Josef Marchet, Esam di cussience);
int restade ancjemò tacade a la vecje culture dal lavôr, a la pôre dai debits, a la gole di fâ almancul une cjase prime di murî (Riedo Pup, Tanto cjapo e tanto magno);
i furlans a son une vore tacâts ai bêçs (Riedo Pup, I furlans e i bêçs)
Sin. dedit
, interessât
-
adi.
che al à vût principi, che al è stât scomençât e v.i.:
nol jevave inmò no, di mût che cualchi altri, lassant il lavôr za tacât, al tornave a clamâlu (Meni Ucel, Orazions);
al covente lât indenant sul troi bielzà tacât (Comitât 482, Pai dirits linguistics in Friûl - Vignesie Julie 2008-2013)
-
che nol è plui intat, intîr, cun dut il so contignût:
un bussul di marmelade tacât
Polirematichis e espressions idiomatichis
Proverbis:
- il mani al è tacât a la fersorie
