leât
le|ât
[FO]
-
p.pass., adi.
viôt leâ
viôt leâsi
-
adi.
tignût dongje cun alc che al lee:
un colomp al vignive gjavât de scjaipule, furnît de sô cjartute leade a une talpe, e po molât (Maria Forte, Cjase di Dalban);
tun pac leât cul spali, al veve cjatadis lis cjartis des confraternitis dal paîs (Alan Brusini, Par stradis lungjis)
Sin. ingropât
, strent
, tacât
-
strent o cuviert cuntune fasse:
un frut cui voi leâts, come a zuiâ di gjate vuarbe, al gjavave di un sacut i numars (Pieri Menis, Chei di Muraie)
-
adi.
(fig.)
che al à un rapuart di afiet cun cdn. o cun alc.:
là jù e cjatave i nevôts che i fasevin fieste, tant leâts a jê (Maria Forte, Cjase di Dalban);
al è za un confuart podê fâlu [il contrat di vendite] cun voaltris che ae braide dal Cuelat o sês leâts come me (Maria Forte, La tiere di Lansing)
Sin. afezionât
, tacât
, unît
-
adi.
che al à a ce fâ cun cdn. o cun alc altri:
propuestis simpri plui zovinis o fatis di zovins, e mancul leadis ae tradizion (Max Mauro, Un Friûl difarent: i 90 mhz di Onde Furlane)
-
adi.
(fig.)
cjapât, condizionât, limitât di un oblic, di une circostance, di une autoritât e v.i.:
al jere leât a un zurament di fedeltât (Carlo Sgorlon, Il dolfin);
se il destin dal Friûl al à di restâ leât cun chel di Triest, o sin dal gjat (Josef Marchet, Sot di nissun);
leçs provisoriis, leadis ai capricis e a lis lunis de Cjamare dai Deputâts (Josef Marchet, Fieste finide)
Sin. obleât
-
adi.
(fig.)
pôc sfrancjât:
e veve benzà la lenghe leade, che si intartaiave ogni moment (Pieri Somede dai Marcs, Cun pocje spese…);
il frut al jemplave la cjase di se e de sô vosine di arint cu lis peraulis leadis, e al sicave ae udinese (Dino Virgili, La aghe da pît la cleve)
Sin. dûr
, imberdeât
, intrigât
, pesant
-
adi.
di zoie, tignude dentri intun anel o intun metal:
un anel cun leât un brilant
Polirematichis e espressions idiomatichis
Proverbis:
- ancje une fassine se e je ben leade e pâr une regjine
- il ben e il mâl al sta leât al pâl