intrigât
in|tri|gât
[AF]
-
p.pass., adi.
viôt intrigâ
, viôt intrigâsi
-
adi.
che al à robis che a intrighin, che no lassin passâ e v.i.:
vie, pes gleriis incandidis dal Tiliment e po sù, a sfuarçs, a slumbriâsi par sgjanôrs e trois intrigâts (Maria Forte, Varc di confin)
Sin. imberdeât
, ingredeât
-
adi.
(fig.)
no clâr, no facil di capî, di fâ, di risolvi e v.i.:
a induvinâ il bon timp e la ploie al è un afâr intrigât, ma i cambiaments des lunis si po induvinâju, cuntun calcul di nuie (Josef Marchet, Preambul rusin);
o vevi capît che la facende e jere masse intrigade par risolvile di autoritât e cun provis di fuarce (Adrian Cescje, Memoriis di politiche linguistiche)
Sin. imberdeât
, berdeât
, ingredeât
, gredeât
, voluçât
, involuçât
, complicât
, confusionât
, incrosât
, ingropât
, imbroiât
-
adi.
(fig.)
cjapât dentri intune situazion dificile:
ancje Tilde, pûr se di cuintrivoie, si cjatà intrigade inta cheste situazion (Gianni Gregoricchio, Trê feminis)
Sin. imberdeât
, ingredeât
, impedît
, ingjambarât
, impastoreât
-
adi.
(fig.)
che al è impegnât a fâ alc che nol pues jessi molât, che al domande concentrazion:
"No sâstu?" i rispuindè so copari Milio intrigadon a tignî pe cjavece une manze in calôr "il muini al sune par visâ lis feminis di puartâ la aghe in glesie" (Pieri Somede dai Marcs, Resurezion a Pontinie)
Sin. cjapât
, impegnât
-
che al è in dificoltât, che al à di sfuarçâsi par fâ alc che al coste fadie:
a àn simpri dit che jo i sei na femina di rovri, dreta, che i ai savût messedâmi tai afârs che ce mai un om? Cun dut achel, i sei intrigada a daparâmi da li lagrimi che a mi sbusighein tai voi bel che i mi impensi di Sacrup (Novella Cantarutti, Sacrup);
int in sorte. Di ogni etât. Frutins tai braçs des maris. Viei carampans intrigâts a lâ dilunc pe citât. Infers di scugnî reziju, scugnî puartâju (Ivano Urli, Storie di Vera)
-
adi.
(fig.)
di cdn., che nol sa cemût movisi, cemût fâ alc, cemût compuartâsi:
ogni tant mi clamave in sfide [di cui che si vistive plui svelt]. Al vinceve lui, ben si intint, che jo o jeri pitinine e intrigade (Gianni Gregoricchio, Trê feminis)
Sin. imbranât
, imberdeât
, ingredeât
, leât
, impedît
-
adi.
che no si sint ben cun chei altris, che al à vergogne, sudizion e v.i.:
cirotic scuasit al ultin fin, lu pronosticà il miedessut, biel fasint la liste di dutis lis medisinis che i veve ordenât, e esplicant, intrigât come un student sot esams, la reson des sôs sieltis (Amedeo Giacomini, Tal ospedâl);
nol someave intrigât de presince dal zovin nancje un tic. Dut il contrari, al palesave un grant plasê di viodisal a cjase sô (Fabian Ros, Eivissa mon amour)
Sin. imberdeât
, ingredeât
, sudizionôs
, vergognôs