ingropât
in|gro|pât
[AF]
-
p.pass., adi.
viôt ingorpâ
, viôt ingropâsi
-
adi.
strent o leât cuntun grop o cun plui grops:
su la taule al veve poiât un façolet ingropât in cuatri, plen di robe (Pieri Menis, Chei di Muraie)
-
fat sù intun grop o cun plui grops, ancje in mût disordenât:
cjavei disgardufâts e ingropâts (Erika Adami, Il nît imagjinari di Elena Del Fabbro)
-
adi.
(fig.)
dificil di capî, di fâ, di risolvi e v.i.:
i fats ator di cheste discuvierte sientifiche a son un tic plui ingropâts (Romano Locci, La discuvierte dai antibiotics);
la piture [furlane dal Sîscent] e denunzie, invezit, une articolazion une vore ingropade, un ingredei variât, che no simpri e riflet i modei dal Venit (Bepi Agostinis, Storie de art in Friûl)
Sin. complès
, complicât
, imberdeât
, incrosât
, ingredeât
, intrigât
, involuçât
, imbroiât
-
adi.
(fig.)
che al à difiets e impediments, che al lavore, che al funzione e v.i. cun dificoltât:
cun chês mans dutis ingropadis, il lavôr si imbardeava (Anna Bombig, I cjars dai lens);
e cirive cun biele maniere di disleâ chel cerviel ingropât (Maria Forte, Chel svampît di 'Sefut)
-
che al ven fat, dit e v.i. cun dificoltât:
al fevelave cul furlan ingropât di cui che nol veve mai fevelât prin par furlan (Adrian Cescje, Memoriis di politiche linguistiche)
-
adi.
(fig.)
che al mostre emozion, comozion, displasê, che al è dongje di vaî:
salacor al voleve dî alc, ma al voltà la muse in bande, ingropât (Dino Virgili, La aghe da pît la cleve);
jo e la mê femine si cjalìn, il cûr lu vin ingropât, e o tasìn parcè che se no dai voi lustris nus sarès vignude jù une lagrime (Pieri Somede dai Marcs, Fieste in famee)