Dizionari de Lenghe Furlane

ingredeât  in|gre|de|ât  [AF]

1. p.pass., adi. viôt ingredeâ , viôt ingredeâsi
   Var. ingherdeât , ingardeât
2. adi. di fîl, cuarde e v.i., fat sù in disordin, in grops:  [il gjat] cu la cjaladure tirade, cui pêi luncs ingredeâts, cun chê ande suturne che ti olmave di jenfri lis fueis, al someave che ti cjalàs fûr dal infier (Josef Cjargnel, Il gjatat neri dai Fers); ti pâr di cjatâti tune ace ingredeade là che al è dificil intivâ la glagn (Lelo Cjanton, Frisanc)
   Sin. ingropât , imberdeât , imbroiât
   
   1. cjapât di fîi, cuardis, grops o di cualsisei robe che e tegni o che e fermi:  la sô manute a è ingredeade inte mê (Bruno Marcuzzi, L’anel di ram)
   2. che al forme un complès disordenât o che al è fat di plui elements che a formin un complès disordenât:  i ramaçs des vîts a jerin luncs e ingredeâts, e Eliseo al taiave jù dut, fûr di doi trê butui dal ultin an, i plui luncs e fuarts (Carlo Sgorlon, Prime di sere); lu cjatin dopo cualchi dì, tal bosc ingredeât pôc lontan dal parc (Raffaele Serafini, Soreli jevât a mont)
3. adi. (fig.) dificil di capî, di risolvi, di fâ e v.i.:  ducj, te vite, ce plui ce mancul, si à vûts moments dificii, situazions ingredeadis (Pieri Menis, Il «miracul» di un ûf); Mirco jes leieve su la muse chestis robis. Chê sô espression stranide di cjatâsi denant a une robe ingredeade, cence sens (Alan Brusini, Par stradis lungjis)
   Sin. complès , complicât , incrosât , imberdeât , intrigât , imbroiât , involuçât , voluçât
4. adi. (fig.) impegnât o blocat intune situazion complicade:  "[…] No sêstu ingredeât ancje cun alc altri, ah? Âstu afârs ancje cul miedi di Navarons… che lu san in tancj…" (Alviero Negro, Int di masnade); un pôcs di lôr si jerin butâts cuintri la Austrie ingredeade fra Osôf e il Lusinç (Maria Forte, Cjase di Dalban)
   Sin. imberdeât , impedît , ingjambarât , impastoreât , intrigât
   
   1. (eufem.) di femine, restade incinte cence jessi maridade:  lis fiis ingredeadis a vevin scugnût maridâsi, che fra tancj strassagjornos cognossûts, doi di lôr si jerin cjapade dute la colpe! (Maria Forte, La cjase dal Murat); lis babis si son metudis a cirî di spulzinâ cemût che Modestute e jere restade ingredeade (Pieri Menis, Cui si jerial impaçât cun Modestute?)
5. adi., s.m. (fig.) che, cui che nol rive a rangjâsi ben tal fâ alc:  cuant che si butà su la amorose vite, si cjatà ingredeât: nol rivave adore di jessi franc e sclet di peraule (Mario Falescjin, «Dai la rocade, Gusto!»)
   Sin. imberdeât , imbranât , impedît , ingjambarât , impastoreât , intrigât