Dizionari de Lenghe Furlane

ingredeâ  in|gre|de|â  [AF]

1. v.tr. fâ che alc al formi grops o che al sedi fat sù in maniere complicade:  [il gjat] se sorave zuiant a ingredeâ / cumò une ace di fîl, cumò un glimuç (Pieri Çorut, Il gjat di Catine)
   Sin. ingropâ , intorcolâ , intorteâ , imberdeâ , gredeâ , involuçâ
   Var. ingherdeâ , ingardeâ
2. v.tr. stratignî impedint i moviments:  Vigjut al sintì un bot tal stomi e tai pîts come dôs muelis di mulin che lu ingredeavin e nol rivà a passâ denant (Pieri Menis, Tal bosc di Kebespok); cjavai blancs in boscs di peçs e di faiârs, sgagnint e corint cun fadie, ingredeâts dai sterps dal bosc (Carlo Sgorlon, Il dolfin)
   Sin. imbarbaiâ , imbroiâ , ingjambarâ , ingropâ , leâ , peâ , intrigâ , imberdeâ
3. v.tr. (fig.) fâ deventâ plui complicât, plui disordenât, plui dificil:  i Talians, a fuarce di jessi svelts, a ingredein ancje lis robis plui slissis (Josef Marchet, Dongje e lontan)
   Sin. berdeâ , complicâ , confusionâ , imberdeâ , ingropâ , incrosâ , gredeâ , imbroiâ
4. v.tr. (fig.) ostacolâ cun problemis, dificoltâts:  al veve decidût di molâ chê presidence, che i jere costade la delusion di no savêle plui movi di li che la burocrazie regjonâl le veve ingredeade (Adrian Cescje, Memoriis di politiche linguistiche)
   Sin. gredeâ , impastoreâ , imbroiâ , imberdeâ , berdeâ , ingjambarâ
5. v.tr. (fig.) cjapâ dentri in situazions, soredut negativis, di dulà che al è dificil saltâ fûr:  guviers che lu àn lassât [il popul talian] te miserie e ta la ignorance […], che lu àn strissinât in aventuris disastrosis, o che lu àn ingredeât in complicitâts vergognosis (Josef Marchet, Sul ôr de buse…)
   Sin. impeolâ , impetolâ , impastoreâ , imberdeâ , gredeâ , incjastrâ