incjastrâ
in|cjas|trâ
[CO]
-
v.tr.
cjalcjâ, meti alc dentri o jenfri di altris elements in mût di fâ pression e in mût che al resti blocât:
lis scaneladuris fatis par incjastrâ i breons (Luciano Spangher, Viarsa, un pôc di vita e un pôc di storia dal '800)
Sin. incugnâ
-
v.tr.
(fig.)
fâ che cdn. al sedi intune situazion negative, soredut che al sedi calcolât colpevul o che al scuegni fâ alc che nol volarès:
"Ce vûstu che o ti disi? Che mi àn incjastrât ben e no mâl?" (Sandri Di Suald, Ah! la provincie)
-
v.tr.
(fig.)
fâ jentrâ alc, ancje imateriâl, just jenfri plui elements, in gjenar cuntune procedure dificile:
il probleme al è chel di “incjastrâ” l'insegnament e l'espert dentri di un plan orari za definît dal personâl in servizi (Oscar Puntel, Furlan a scuele: la peraule ai insegnants)