Dizionari de Lenghe Furlane

imberdeâ  im|ber|de|â  [AF]

1. v.tr. fâ che alc al formi grops o che al sedi fat sù in maniere complicade:  fâ sù ben il fîl di mût di no imberdeâlu
   Sin. ingropâ , intorcolâ , intorteâ , ingredeâ , gredeâ , involuçâ , imbroiâ
   Var. imbredeâ , imbardeâ
2. v.tr. stratignî impedint i moviments:  il vistît ju imberdee tal cjaminâ (Alan Brusini, Gian Paolo Linda, I forescj)
   Sin. imbarbaiâ , imbroiâ , ingjambarâ , ingropâ , leâ , peâ , intrigâ , ingredeâ
3. v.tr. (fig.) fâ deventâ plui complicât, plui disordenât, plui dificil:  magari cussì no, a àn nomenât un tierç pape, Alessandri V, imberdeant ancjemò di plui l'afâr (Diego Navarria, Patriarcjis fûr dal ordenari)
   Sin. berdeâ , complicâ , confusionâ , ingredeâ , ingropâ , incrosâ , gredeâ , imbroiâ
4. v.tr. (fig.) ostacolâ cun problemis, dificoltâts:  i nazionaliscj di ogni colôr a cirin di imberdeâ lis nestris plui resonadis e masse misuradis aspirazions autonomistichis (Josef Marchet, Blestemis)
   Sin. gredeâ , impastoreâ , imbroiâ , ingredeâ , berdeâ , ingjambarâ
5. v.tr. (fig.) cjapâ dentri in situazions, soredut negativis, di dulà che al è dificil saltâ fûr:  nol è che Cavedalis nol si inacuarzès di ducj i messedaments de politiche o che nol fos atent di no fâsi imberdeâ tai laçs des corints e dai moviments (Giovanni Pillinini, Zuan Batiste Cavedalis - Une vite esemplâr)
   Sin. impeolâ , impetolâ , impastoreâ , ingredeâ , gredeâ , incjastrâ
6. v.tr. (fig.) dâ un turbament, une emozion che e lasse impreparâts:  al sintive intor di se il voli dal cont e il fat lu imberdeave (Gianni Gregoricchio, Îr e doman)
   Sin. conturbâ , turbâ , imbaraçâ