Dizionari de Lenghe Furlane

ingropâ  in|gro|pâ  [AF]

1. v.tr. zirâ e strenzi une o plui cuardis, o fîi o altri, in maniere che a restin leadis:  Rosute e veve za ingropât sot il barbuç il façolet a rosis (Dino Virgili, La aghe da pît la cleve); al ingrope il cjaveç insom vie dal argagn (Osiride Secco dai Juris, Par colpe di un massalâr carulât)
   
   1. leâ, fissâ cuntun grop:  al tire fûr i bêçs che al veve ingropât tun pic dal façolet (Luigi Gortani, Al marcjât di Vile); la femina a si inzenoglà par cjera, a lu cjapà sù, a lu ingropà a strent sun se (Novella Cantarutti, Al era un anzal)
   2. (fig.) formâ, movi, tignî o strenzi alc tant che un grop:  la none le tignive dongje, tal so cjalâ afietôs e e ingropave lis mans sul carnirut plen che e veve cun se (Maria Forte, Sul cjar di Pauli Gurin); trê lens che cuant che e son cressûts e àn ingropâts un cul altri i lôr ramaçs (C., I fradis dal Cormôr)
2. v.tr. fâ che alc al formi grops, gredeis intor di se stes o intor di alc:  tu âs ingropât dut il spali, sturnel, cjale ce che tu âs cumbinât (Carlo Tolazzi, La salamandrie tal fûc); e scjasse i cjavei, lustris come il svolâ dal mierli, ancje se riçots di ingropâ cualsisei pietin (Raffaele Serafini, B123ST)
   Sin. imberdeâ , berdeâ , ingredeâ , gredeâ , imbroiâ
3. v.tr. (fig.) fâ che alc al deventi plui complicât, che al fasi fadie a lâ indevant, a funzionâ e v.i.:  baste pensâ al probleme des barieris architetonichis che al ingrope la vite di ogni dì par chei che e àn cualchi probleme a movisi (Bruno Pizzul, Presentazion dal Strolic furlan pal 2012)
   Sin. incrosâ , ingredeâ , imberdeâ , imbroiâ , intrigâ , gredeâ , berdeâ , complicâ
4. v.tr. (fig.) fâ vignî comozion, emozion che e pues fâ vaî:  e ven fûr in dute la sô penzece, la sô vicende umane, scuasi une autoanalisi, che e ingrope pe scletece di ciertis confessions (Laurin Zuan Nardin, Antoni Beline, La fabriche dai predis, Zirà 1999); mi à fat un discors che mi à fintremai ingropât il cûr (Josef Marchet, Lis predicjis dal muini)
   Sin. comovi , dulinciâ , indulinciâ , ingusî , scossâ
   
   1. fâ vignî dolôr interiôr, disperazion:  restade di bessole, ingropade dal marum e de disperazion (Angelo Floramo, Cuintristorie dal Nûfcent 1910-1920); propit lis zornadis plui bielis e plui significativis de anade, invezit di indalegrâ di plui, a deventin chês che a ingropin di plui la anime (Riedo Pup, Il mont al è biel)