peâ
pe|â
[AF]
-
v.tr.
strenzi cuntune cuarde, un laç, un spali, un fîl e v.i., une o plui cjossis o ancje personis par unî o tignî fer:
cuatri lu vevin tignût dûr e chei altris lu vevin peât cuintri dal cjar. Lu vevin pacât sence remission (Gianni Gregoricchio, Îr e doman);
si ere inacuart diviersis voltis la matine che la barcje del paron no si cjatave precisamenti dulà che la veve peade la sere (Luigi Gortani, Un paîs misteriôs);
tai vignâi li ator a cuinçavin e a peavin lis vîts (Carlo Sgorlon, Prime di sere)
Sin. inlaçâ
, laçâ
, tacâ
, leâ
Var. peiâ
-
v.tr.
(fig.)
condizionâ e gjavâ libertât:
la leç di fiar dal no podê tornâ indaûr la peave ancje jê, come ducj i muarts (Carlo Sgorlon, Il dolfin)
Sin. fermâ
, inclaudâ
, vincolâ
, leâ
-
v.tr.
(ancje ass.)
limitâ tai moviments:
[la strade] e lave sù sot cjastinârs di mil agns, tra fratis, baraçs e cincinariis sui ôrs che ti peavin lis gjambis e ti sgrifavin la muse (Meni Ucel, I colaçs)
Sin. leâ
, intrigâ
, imberdeâ
-
v.tr.
(fig.)
svicinâ o cumbinâ fin scuasi a fondi doi elements:
di sigûr al è vivût tuna discusidura, cença rivâ adora a peâ il volê jessi, cu la vita cemont che a è (Novella Cantarutti, Un pitour par me)
Sin. leâ
-
v.tr.
(fig.)
svicinâ dôs o plui personis cun relazions afetivis, afinitâts di interès e sim.:
a prin intro ju pee une glagn di amicizie e po, dì par dì simpri plui fuarte, une leande intiessude dal afiet di pari a fi (Ivano Urli, Storie di Min)
Sin. zontâ
, dâ dongje
, dâ adun
, meti adun
, unî
, leâ
-
v.tr.
(fig.)
meti in comunicazion o in relazion:
si sintive a tirâ, mo di une bande, mo di chê altre, dal fîl invisibil che al peave passât e presint (Franca Mainardis, Il sium di Lissandri);
lis ecuazions dal cjamp gravitazionâl […] a pein la curvadure dal spazitimp […] a la distribuzion di materie e a lis sôs interazions (Sergio Cecotti, Teologjie algjebriche)
Sin. zontâ
, dâ dongje
, dâ adun
, meti adun
, unî
, leâ
-
v.tr., v.intr.
(fig.)
di robe di mangjâ, di bevi o sim., dâ une brute sensazion in bocje:
pomis che si tirave jù dai arbui ancjemò gherbis, che ti inceavin la bocje e ti peavin i dincj (Antoni Beline, Stagjons dal an e de vite. Sierade)
Sin. leâ
Proverbis:
- bisugne peâ il mus là che il paron comande
- peâ il mus là che il paron comande