vergognôs
ver|go|gnôs
[CO]
-
adi., s.m.
che, cui che si vergogne, che al à sudizion, pudôr:
al restà imbambinît e cence rispueste, scuasit vergognôs come un frut… (Maria Forte, Cjase di Dalban);
ma cun Stiefin presint cemût varessial pudût frontâ Ester? Denant di so fi, jê si sarès sintude vergognose e in discomut (Mario De Apollonia, Il timp par ledrôs)
Var. vergonzôs
-
adi., s.m.
che, cui che al varès di vergognâsi, che al à colpe di azions che a fasin pierdi il rispiet, l'onôr, ancje tant che ofese gjeneriche:
"E cumò e sarà contente, e nol podeve capitâi che cussì, di vê comprât un frut pai fossâi, chê brute vergognosate" (Pieri Somede dai Marcs, Il prossim);
"Siare chê bocjate, vergognôs di un sence Diu!" (Jolanda Mazzon, Di là de rêt)
-
adi.
di alc, che al fâs pierdi il rispiet, l'onôr:
la venalitât vergognose de burocrazie che no si môf se no si onzin lis ruedis (Josef Marchet, Di vicin e di lontan)
