vicin
/-ìn/
vi|cin
[FO]
-
adi.
che al è dongje tal spazi, tal timp o ancje in ordin logjic, afinitât, afiet e v.i.:
so fradi tal jet vicin al durmive come un çoc, dute la cjase cidine, difûr nancje un chic (Pieri Menis, Nadâl ancje par Gjelmin);
une robe infumatade si piert vie e e devente, a la svelte, une vore lontane. Ancje se e je vicine sul lunari (Maria Forte, Mabile la Lunghine);
a doprin ancjemò un lengaç plui vicin al sclâf origjinari che no la stesse lenghe uficiâl (Josef Marchet, Cuintristorie dal Friûl fin sot la Italie)
Sin. dongje
, tacât
Var. visin
-
s.m.
cui che al è dongje, che al sta dongje:
i zûcs e lis berechinadis a jerin inocents come chei agns: […] si faseve il sac intal jet dal vicin, si metevin dentifrici e urtiis intal jet di un altri (Cristina Noacco, Faliscjis)
-
adi., s.m.
che, cui che al vîf intune cjase dongje:
al è ancje un fîl di odôr di gas des machinis dai vicins, che ogni tant, cun calme, a jentrin o a jessin des lôr rimessis (Spirt Anonim, Il piçul ream);
al jere un pieç che Margarite e Arduin a spietavin denant de puarte dal vicin, ducj ingrisignîts par vie dal frêt (Antescûr, L'om misteriôs)
Sin. vicinant
-
av., prep.
no lontan tal spazi, tal timp o ancje in ordin logjic, afinitât, afiet e v.i.:
la agne Lalie i va vicin par bonâlu (Meni Ucel, Il telegram);
il perît al presentà Eliseo a trê cuatri operaris che a jerin li vicin, e ur disè di mostrâi ce che al veve di fâ (Carlo Sgorlon, Prime di sere);
al sta di cjase vicin la glesie (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. dongje
, dacîs
Cfr. sot
, cuintri
-
s.m.
[TS]
stor.
rapresentant di une famee intune vicinie:
e sunave la cjampane e ducj i «vicins» si davin dongje sot il tei a tratâ in libertât e paritât i lôr afârs (Dino Virgili, La aghe da pît la cleve)
Polirematichis e espressions idiomatichis
Proverbis:
- al è plui vicin il dint che no il parint
- al sta simpri il ben vicin dal mâl
- al sta simpri il mâl vicin dal ben
- al vâl plui un vicin vicin che no un fradi lontan
- cercli lontan, ploie vicine; cercli vicin, ploie lontane
- doi viaçs dongje la aghe, trê tal mulin, e un di vicin
- gradesane la matine, burascje vicine
- la mê bocje e je plui vicine de tô
- montagnis claris, ploie vicine
- nûl ros la matine, la ploie e je vicine; nûl ros la sere, bon timp si spere
- ros la sere, bon timp si spere; ros la matine, la ploie e je vicine