daprûf
da|prûf
[FO]
-
av., prep., adi.inv.
une vore dongje tal spazi:
al jere finît il bal e Nicola le puartave daprûf il banc domandant ce che e voleve bevi (Alan Brusini, Il svindic di Rosute);
si jere poiade suntune cjadree, rasint il barcon, e mi veve fat segn di lâi dongje. Jo le vevi ubidide mi jeri sentade daprûf (Gianni Gregoricchio, Trê feminis);
la none che si jere sentade suntun scagn daprûf dal fogolâr (Pieri Menis, Sul agâr)
Sin. aprûf
, vicin
, dongje
, dacîs
, dapûr
-
av., prep., adi.inv.
tant dongje di jessi o di rivâ in contat, tocjant, in particolâr di une posizion plui alte o stant parsore:
al è vignût orsere la altre, al à sbisiât dôs oris daprûf dai fîi dal eletric (Josef Marchet, Lis predicjis dal muini);
[la aghe e je] turchine come la aghe di solfato che si sclice daprûf des vîts par vie de peronospare (Dino Virgili, Un riul tra Venit e Friûl);
il palaçat dal Çampe, daprûf dal Borc, al è indurmidît ancjemò tal sgrisulâ da la albe e i colps batûts sul puarton a sunin di vueit vie pai coridôrs: là insom si dismôf il pas di cualchidun (Dino Virgili, La Çucule)
Sin. intor
, parsore
, aprûf
, dapûr
-
ancje fig:
Toful al lassave i voi daprûf di chês bestiis (Dino Virgili, La aghe da pît la cleve);
mi veve cjalât cun doi voi che o mai sint daprûf ancjemò (Meni Ucel, Otavari a Madone)
-
av., prep., adi.inv.
cun sens di vicinance di amicizie, di interès, di afinitât e v.i.:
i principâts feudâi da la alte Italie si jerin tignûts poiâts daprûf dai imperadôrs (Josef Marchet, Cuintristorie dal Friûl fin sot la Italie)
Sin. dongje
, parie
, aprûf
, dacîs
, dapûr
-
av., prep.
cun sens di ostilitât:
Vignesie, in chê ocasion e pensà ai siei fats, cence mandâ nissun jutori ai furlans, e dopo ur strucjâ daprûf un grum di insolencis (Josef Marchet, Cuintristorie dal Friûl fin sot la Italie);
se cjapave in forme che nol jere râr che i metès fin lis mans daprûf (Meni Ucel, Rispiets)
Sin. intor
, parsore
, aprûf
, cuintri
, dapûr
Polirematichis e espressions idiomatichis