viers  /-è-/  viers  [FO]

  1. s.m. ognidune des unitâts che a fasin une composizion poetiche, che e corispuint a une rie di test:  l'esametri al è un viers cuntun numar variabil di silabis, in gjenerâl tra tredis e disesiet (Sandri Carrozzo, Pierluigi Visintin, Jentrade de Odissee); cheste redazion, marcade di Faggin cu la letare G, e je fate di 97 tercinis e di 1 cuartine, par 295 viers in dut (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
    1. tal pl., componiment poetic, poesie, il complès des poesiis di un autôr:  Fedrì, menant la lune, jo stevi in fuars, / se jo ti dovevi scrivi, e in ce mût, / e cussì biel pensant ai rissolût / lassâ la prose, e saludâti in viars (Ermes di Colorêt, I, 61)
      Sin. poesie
    2. tal pl., complès di plui poesiis di un o plui autôrs:  [Agnul di Spere] al à publicât sîs racoltis di viers, voltâts ancje in altris lenghis (Erika Adami, La olme di un grant furlan)
      Sin. poesie
  2. s.m. [TS] lit. inte liturgjie catoliche, frase curte che i seguìs une rispueste, cjantade o recitade
  3. s.m. sun tipic che al fâs un animâl, o ancje vôs di une persone che no je une peraule:  nie umiditât. Clime fantastic. Fresc. Aiarin. Il viers di une çuvite. Mi ven voie di lâ fûr (Checo Tam, Cirî gnot)
    Cfr. vôs , berli , strît , bocje
  4. s.m. sens, direzion:  [lis âfs] e taiavin l'aiar par ducj i viars, cussì imburidis che e parevin saetis (Catarine Percude, Lis âfs); "Oh, done Viole… I ai pensât sore: chê cjarte le sbreghìn…" E le sbregà a flics: prime di un viers, po di chel altri (Dino Virgili, La aghe da pît la cleve); lu pognerin sul jet, ma ancje li nol saveve di ce viers zirâsi, che ogni part dal cuarp e jere tumiade e indolentrade (Roberto Ongaro, Il muc)
    Sin. direzion , sens , bande
  5. s.m. (fig.) ogni pussibil aspiet di alc, spec. in funzion di rivâ a un obietîf:  si è plui preparâts, par un viers, a capî la diversitât linguistiche e culturâl e, par chel altri, a cognossi plui lenghis e a imparâ ancjemò altris (Marc Stolf, Minorancis linguistichis); [la nazion] e mostre par ogni viers cualchi sfese (Josef Marchet, Su altris fondis)
    Sin. aspiet1
    1. mût, maniere, pussibilitât di fâ alc o di sucedi, di jessi:  a veva voli, cjâf e fuarça par tignî in dret cjasa e cjera, par fâ e comandâ li vori in manera che dut al zes pal viers just (Novella Cantarutti, La agna Mariana); "Nô, o sin come ducj, po: int ordenarie!" e diseve Dreine; ma si capive tal sô fâ, il risultum di une siorie indaûr, platade, ma no disvidrignide dal dut […]: un altri viers di nobiltât… (Dino Virgili, La aghe da pît la cleve)
  6. prep. in direzion di, sedi intindint un lûc, che un obietîf, un risultât, un destin e v.i.:  al decidè di lâ a mangjâ une sope cu lis tripis e po inviâsi viers Sedean, paîs che al faseve simpri bogns afârs (Angelo Covazzi, Baratâ); sul ôr dal curtîl, viers la cleve, a jerin dôs sentis lungjis, di len (Meni Ucel, Gnot di Avost); un perfezionament progressîf e continuât viers un ideâl di armonie (Adrian Cescje, Viaç aes origjins dal Logos); a partî dal 2005 il SNP si è inviât viers la egjemonie politiche in Scozie (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
    Sin. cuintri , cuintri di , incuintri1 , incuintri di , inviers , inviers di , viers di
    Var. sviers
    1. plui o mancul dongje di:  viers Samardencje e je invezit une arzile de miôr, doprade pai modons di façade (Ivano Urli, Storie di Min)
      Sin. ator , tor1 , bande , des bandis di , dongje , a ret di , tor di , ator di , bande di
    2. tai confronts di:  [Leone Pincherle] po stâi che al ves vût dal risintiment viers Cavedalis (Giovanni Pillinini, Zuan Batiste Cavedalis - Une vite esemplâr); personalitâts di valôr de culture e de politiche di chenti a mostrin di vê une atenzion positive viers de iniziative (Marc Stolf, Un Pat cuintri dal 'Partito della nazione', un Pat a pro dal Friûl); viers il prossim si veve un sôl dovê: volêi ben, assistilu, a cost di lâ in pierditis, no impuarte (Riedo Pup, I furlans e la religjon)
      Sin. par , cun , bande , bande di , inviers , inviers di
  7. prep. pôc prime, pôc daspò, par pandi la vicinance a di un ciert limit di timp:  viers Sant Antoni, che lis seris a jerin cliputis, la Siore e lave cun mê mari nasant i zîs e i garofui (Alan Brusini, Il zardin); cussì, in pratiche, viers la metât dal '600 la autonomie lassade al Friûl no jere plui che un non cence significât (Josef Marchet, Cuintristorie dal Friûl fin sot la Italie)
    Sin. par , sot
    Cfr. sore
Polirematichis e espressions idiomatichis Proverbis:
  • ogni robe e va cjolte pal so viers
Cul patrocini di
Universitât dal Friûl