poesie
/-ì-/
po|e|si|e
[FO]
-
s.f.
art di scrivi viers:
il prin dovê de poesie al è tornâ a dâ valôr aes peraulis e mostrâ cemût che la lôr ambiguitât semantiche nus jude a lei la complessitât dal mont (Walter Tomada, Pierluigi Cappello: «L’om plui concret? Il poete»);
lis sezions [dal Premi Friûl tal 1987] a son adiriture cinc: cjançons, audiovisîfs, contis, poesie, teatri (Max Mauro, Un Friûl difarent: i 90 mhz di Onde Furlane)
-
s.f.
complès des oparis in viers e stîl o maniere di scrivi in viers di un autôr, di une corint leterarie, di une ete o di un paîs:
la poesie di [Leonardo] Zanier e je un grant messaç de anime furlane emigrante (Adrian Cescje, Memoriis di politiche linguistiche);
Pasolini […] al è il poete che invezit al à savût rapresentâ il grant rignuviment de poesie furlane (Laurin Zuan Nardin, "Le poesie friulane di Pietro Zorutti" par cure di Bindo Chiurlo, Udin 1911)
Sin. viers
-
s.f.
singule composizion scrite in viers:
nô o crodevin di partignî a une sorte di clape esclusive: o scoltavin la musiche plui biele, plui ricercjade, o leievin lis poesiis dai Maledets (Checo Tam, Cocteau Twins su Netun (ma no il planet))
Sin. componiment
Cfr. poeme
, liriche
, sonet
, cjançon
-
s.f.
[TS]
filos.
inte estetiche idealiste dal Romanticisim, valôr estetic di une opare
-
s.f.
valôr estetic, atmosfere e capacitât di produsi o comunicâ emozions e sintiments profonts:
bielis cjantosis, plenis di finece e di poesie (Josef Marchet, Lis predicjis dal muini);
la bielece, la poesie, il misteri des fiestis di Nadâl, a començavin cu la «novele», ven a stâi cu la funzion dal «Missus» (Pieri Menis, Il pignarûl)
-
capacitât di sintî emozions e sintiments profonts:
un siôr plen di poesie (Redazion Il Friuli, Un siôr plen di poesie);
il voli trist dai viei ur stropave tal cûr chel 'simitum di poesie (Dino Virgili, La aghe da pît la cleve)