direzion
/-òn/
di|re|zi|on
[FO]
-
s.f.
bande o pont là che si è indreçâts, là che si à di lâ:
dal pulmin o viôt altris votcent corieris, suntune strade largje come dôs autostradis, che a van dutis inte stesse direzion (Cristina Noacco, Faliscjis);
ogni volte che la buere politiche e mude direzion, a scuegnin mudâle ancje i libris di storie (Josef Marchet, Cuintristorie dal Friûl fin sot la Italie)
Sin. bande
, sens
, viers
, ande
-
s.f.
sît di residence, massime di un destinatari di pueste:
nol lassà une vôs a nissun par dî là che al lave, ni se al tornave, ni une direzion par fâsi mandâ la pueste (Maria Forte, La tiere di Lansing)
Sin. recapit
, mansion
-
serie di simbui e letaris che e permet di conetisi a un sît web o a un contignût o di mandâ un messaç di pueste eletroniche:
ae direzion www.ammer-fvg.org si pues za consultâ un archivi multimediâl che al met adun fotos, documents e intervistis su la emigrazion regjonâl tal mont (Erika Adami, Emigrants a pro dai zovins)
-
s.f.
(fig.)
linie strategjiche par rivâ a un obietîf:
la ARLeF e je l'organisim regjonâl […] competent te definizion des direzions di cjapâ par une planificazion linguistiche a pro de lenghe furlane (Donato Toffoli, Relazion dal Grup di lavôr "Planificazion linguistiche")
-
s.f.
azion, funzion o incjarie di direzi, comandâ, organizâ e v.i.:
dopo la muart di so pari, la farie e jere restade su lis sôs spalis di frut, par chel che al rivuardave il lavôr, ma la direzion, lis redinis, il comant espotic, tes mans di done Jacume (Roberto Ongaro, Cretevierte);
in definitive, la direzion politiche de vuere e jere passade des mans dal guvier e in particolâr dal ministri competent a chês di un organisim rivoluzionari che al intindeve imprimi a lis operazions un caratar plui agressîf (Giovanni Pillinini, Zuan Batiste Cavedalis - Une vite esemplâr)
Sin. dirigjence
, guvier
, reziment
-
il direzi un complès vocâl o strumentâl te esecuzion di un toc musicâl:
sot de regjie di Gianmaria Romagnoli e de direzion dal mestri Fabrizio Da Ros, […] il grup folcloristic Chino Ermacora al vûl fâ omaç a chest grant musicist [Rofolfo Kubik] (Zuan Furlan, Prime mondiâl pe vilote di Kubik)
Sin. dirigjence
, guvier
, reziment
-
s.f.
orghin che al è responsabil di mandâ indevant une dite, di une istituzion e v.i.:
la direzion de radio no interven intes sieltis de redazion musicâl, e je la massime libertât (Max Mauro, Un Friûl difarent: i 90 mhz di Onde Furlane);
o jeri jentrât te direzion dal Moviment Friûl tal Sorinvier dal 1970, par cooptazion, su propueste di pre Checo Placerean (Adrian Cescje, Memoriis di politiche linguistiche)
Sin. diretîf
-
complès di personâl e uficis al servizi di chel orghin:
al va dit che cuant che [la ARLeF] e je stade metude sù no veve nancje une plante organiche ni une direzion (Walter Tomada, Une anade buine pal Furlan)
Sin. diretîf
-
sede di chel orghin
-
ufici dal diretôr:
a son lis dîs e mi clamin in direzion (Pieri Somede dai Marcs, Une lûs celestine…)