Dizionari de Lenghe Furlane

puartâ ator    [AF]

1. loc.v. puartâ o compagnâ in plui lûcs no definîts:  [lis âfs] a fasin ancje un grant lavôr par puartâ ator il polin (Margherita Timeus, Un bôç dut par me)
   
   1. in particolâr puartâ o presentâ alc a clients, al public e v.i.:  al è nassût ancje un spetacul che i doi artiscj a son daûr a puartâ ator pal Friûl (Redazion La Patrie dal Friûl, Cjantade di sperance)
2. loc.v. puartâ o compagnâ in cualchi lûc no definît, ancje e soredut cence un fin precîs, par gust:  La fieste dal paîs no interesse dibot a nissun: cui à la partide di balon tal cjâf, cui à la morose di puartâ ator su la jespe, cui à di lâ a viodi cualchi cine di ca o di là (Josef Marchet, Lis predicjis dal muini)
   Sin. menâ ator
3. loc.v. vê intor alc di materiâl o imateriâl:  la Sante si sfreolave a pene il music come i gjats, e e puartave ator un odôr stantiç di piel sudade (Maria Forte, Cjase di Dalban); il fantat, par stâi dongje ae frute, biele, tenarine, colôr di rose che e puartave ator il paradîs tai voi, al bandonave Udin (Alan Brusini, Come tai romançs)
   Sin. puartâsi daûr , puartâ intor

Components:

• ator av., prep., adi.inv.
• puartâ v.tr.