Dizionari de Lenghe Furlane

puartâsi daûr    [AF]

1. loc.v. puartâ cun se:  [denant dai Turcs] il guviar di Vignesie nol savè fâ nuie altri, dome che al ordenà ai contadins di scjampâ tes citâts muradis, dopo di vê brusât dut ce che no podevin puartâsi daûr (Josef Marchet, Cuintristorie dal Friûl fin sot la Italie); si sentarin li di un ristorant, ma tal curtîl, pal fat dal fum, ma ancje parcè che il gjornalist al veve miôr di no dâ masse tal voli cun chê compagnie che si jere puartât daûrsi (Fabian Ros, Il lôf); il vivi insiemi tes vecjis corts al someave puartâsi daûr i 1000 agns di miserie e di sotanance che si jerin passâts e cussì ducj a àn cirût di fâsi la cjasute bessole, lontane di chei altris (Rino Gubiani, Studi da la evoluzion dal paisaç mediant i toponims)
2. loc.v. vê tant che consecuence:  un Friûl taiât in doi, margjinâl, sotsvilupât e cun funzion soredut militâr, cu la mentalitât e la ideologjie che cheste si puarte daûr (Donato Toffoli, I 500 agns dal riviel de Joibe Grasse)

Components:

• daûr av., prep., adi.inv., s.m.sing., s.m.inv.
• puartâsi v.pron.tr., v.pron.intr.