daûr
da|ûr
[FO]
-
av., prep., adi.inv.
de bande contrarie rispiet a chê dulà che si cjale, si va, si è indreçâts e v.i.:
la schirie [di cjars] e passave dilunc, intun nûl di pulvin. Daûr al restave pulvin (Dino Virgili, La aghe da pît la cleve);
al veve comprât un biel palaç cuntun zardin denant, cun prâts e viâi daûr e ator vie (Catarine Percude, Il solt del Signôr);
comodâsi tai vagons daûr dal tren
Var. davûr
, davôr
, devôr
, dovôr
-
prep.
par segnâ une serie lungje di elements che a son compagns o che si somein tra di lôr:
lis talpadis su la nêf a vignivin di Zeanut, une daûr chê altre, regolârs come i asins di une corone (Pieri Menis, Il miracul dal plevan di Trep)
Sin. dopo
, daspò
-
av., prep., adi.inv.
inte part posteriôr:
la none e cjapà Mariute pe man e le menà a insentâsi daûr [tal cjar], jenfri dôs frutatis e i poià dongje il carnirut (Maria Forte, Sul cjar di Pauli Gurin);
tomant a montâ in machine, si tirà su la sente daûr par lassâi a Miute il puest plui comut (Mario De Apollonia, Il timp par ledrôs)
Sin. par daûr
-
s.m.sing.
part posteriôr di alc:
fasint manovre no ai viodût il murut e o ai fat une scussade tal daûr de machine
Cfr. cûl
-
ce che al è de bande posteriôr di alc, ancje cence jessi ad in plen une sô part:
al le fûr pe puarte che e dave sul daûr de cjase (Mario De Apollonia, Il timp par ledrôs);
un scuret di chei che a davin sul daûr, viers il curtîl (Roberto Ongaro, Cretevierte)
-
part dal cuarp jenfri la schene e lis cuessis:
i doi une pidade tal daûr e lu mandi fûr di ca! (Alviero Negro, La pidade);
o jerin ta chel discoclub dongje Çarvignan e o stavin cjalant propit il daûr di Queen Anastasia (Checo Tam, Queen Anastasia)
Sin. biel di Rome
, cûl
, fabrian
, floc1
, florean
, martin
, posteriôr
, preterit
, tafanari
, tananai
, verzot
, boro
, dote dal Friûl
, florio
, morghen
, pesenâl
, sentâ
, zei
, favar
, floreton
, funzic
, tont
-
av., prep.
te seconde bande di une superficie o di alc che al pues vê dôs bandis:
al veve mandât une fotografie a Antoniglia, cun scrit daûr: Con affetto (Cristina Noacco, Faliscjis)
-
s.m.inv.
seconde bande di alc che al à dôs superficiis:
al sbregà un sfuei e tal daûr al dissegnà une bandiere cui penarei zâi e ros (Checo Tam, Sense)
Sin. ledrôs
-
av., prep., adi.inv.
plui inlà di cdn. o di alc intal spazi, in mût di stâ dongje o ancje a distance ma in mût di jessi cuviert o platât, dal dut o in part:
prin si sintirin i pas daûr de puarte, po dopo la clâf che e zirave (Antescûr, L'om misteriôs);
la cjasute di Vigji e jere a pene fûr dal parc, cuintri soreli a mont, suntune cucuruce dongje la glesie, e daûr, plui lontan, altris culinis plenis di boscs, e dopo, là sù, lis montagnis (Riedo Pup, Vigji Brusin);
il bandît al segne cu la pistole la cassefuart vierte, al siere lis tendis, i doi daûr dal bancon a jevin lis mans par aiar (Fabian Ros, La rambe)
-
(fig.)
in posizion parade o platade:
la Dc […] si jere simpri scuindude daûr des cjacaris parcè che no voleve concedi ae plui part des comunitâts minoritariis ce che e veve scugnût concedi ai slovens di Triest, ai todescs di Bolzan e ai francês di Aoste (Adrian Cescje, Memoriis di politiche linguistiche)
Sin. sot
-
av., prep., adi.inv.
in posizion secondarie intune sucession ideâl, intun ordin di valôrs, intune graduatorie e v.i.:
la prime in classifiche e à 24 ponts, daûr di jê la seconde e je a 20
Sin. dopo
, daspò
-
av., prep.
ae fonde, cuntune funzion impuartante, ancje se no si viôt a prin voli:
daûr dal riviel de Joibe Grasse si àn diviersis causis che si incrosin tra di lôr (Carli Pup, Il Friûl de Joibe Grasse dal 1511)
Sin. sot
, parsot
, par daûr
-
av., prep.
inte stesse direzion di alc che si môf:
lis rosis a colavin a planc ta la aghe, a restavin a lunc fermis sul lemit, po a planc a planc si inviavin daûr curint venti jù come un funerâl di colôrs (Dino Virgili, La aghe da pît la cleve)
Sin. dilunc
-
av.
cun se, in mût di vê o di jessi a disposizion, di tignî controlât, di jessi o di vê tant che compagnie e v.i.:
il mestri al vignive in biciclete di fûr di paîs e si puartave daûr il gustâ (Ivano Urli, Vuadagnâsi il gustâ);
lâ a fâ une riparazion cun ducj i imprescj daûr
Sin. parie
-
av.
indreçantsi a cdn. o a alc, ancje no tant a viert:
cuant che i Clevis a vignivin jù in Rivuinis, la int ju cjalave di stos e ur rugnave daûr (Dino Virgili, La aghe da pît la cleve);
«Na metitu mai la muda di gala, Tunissi?» a i disevin li femini. «Ce muda, ce gala!» a i bruntulava davourji lui che al era strent tal fevelâ e a nal faseva tela cun nissun (Novella Cantarutti, Il Crist sclagn)
-
prep.
inte opinion di:
daûr dal Vasari, un dai plui grancj storics da la art dal Cinccent, [Zuan di Udin] al varès stât ancje a Vignesie te buteghe di Giorgione (Luca De Clara, Zuan di Udin)
Sin. par
, seont
-
av., prep.
in dipendence di un alc che al condizione, che al cause e v.i.:
imparait a resonâ sul teren positîf de realtât e no daûr di prejudizis teorics che no àn nissun fondament (Josef Marchet, Cjalâ plui inlà);
tal 1966 al nasseve il Moviment Friûl intun studi di nodâr a Udin, daûr des manifestazions straordenariis di place di miârs di students a Udin par reclamâ la facoltât di Medisine e la Universitât Furlane (Adrian Cescje, Tal non di Fausto Schiavi);
la sere, dopocene, a balavin tal tinel, daûr il sun dal piano (Dino Virgili, La aghe da pît la cleve)
-
in dipendence di cdn., par vie de sô posizion, de sô autoritât e v.i.:
la int si fermave te strade a sintî la sô vôs sutile [de mestre] e il coro dai fruts che a cjantavin lis silabis daûrji (Dino Virgili, La aghe da pît la cleve)
-
av., prep.
par introdusi un complement di interès o di vantaç:
si deve la ciprie cul plumin, si piturave i lavris di ros, e e pierdeve oris interiis daûr dai siei vistîts (Carlo Sgorlon, Il dolfin);
a era encja jê pôc pi di canaa, ma a mi pareva granda e a mi plaseva parcè che a pierdeva via ori davour di me (Novella Cantarutti, Il specju)
Sin. par
-
av., adi.inv., prep.
plui tart intal timp:
le viodei ancje la dì daûr, su la terace (Carlo Sgorlon, Il dolfin);
l'an daûr o savei che in compagnie / di un mercjadant di cuars, / che al ere di Bivârs, / a si imbarcjà a Triest e a le in Turchie (Pieri Çorut, Il regâl di Mustafà)
Sin. dopo
, daspò
-
prep.
par segnâ une serie di elements compagns o simii tra di lôr:
une disgracie daûr chê altre ju veve parâts a remengo (Antoni Beline, Sant Jacum, là che al finìs il mont)
Sin. dopo
, daspò
-
av., adi.inv.
inte proprie storie, esperience, intal propri passât:
un dai grups teatrâi plui amâts e popolârs cun passe 25 spetacui e 33 agns di storie daûr (Erika Adami, Une balade par Carnera);
a veva davour di se una vita lungja che a la veva usada a tignî dûr cu la fan e cu li malori (Novella Cantarutti, La agna Mia di Ristec)
-
av.
al pues vê in enclisi pronoms di tiermin e riflessîfs:
Meni […] al jessè; e la femine, blancje e cidine, daûrji (Meni Ucel, La vacje);
lis ruedis si infondin tal savalon, a lassin daûrsi dôs cjaradoriis lungjis (Dino Virgili, La aghe da pît la cleve);
e jere bessole, cui siei agns di femine passâts dibant, cence une vite daûrsi, cence un stât ore presint (Dino Virgili, La massarie)
Polirematichis e espressions idiomatichis
Proverbis:
- al vâl plui un lusôr denant che no cent daûr
- bisugne lâ vistûts daûr dal so stât
- bisugne menâ il dint daûr la borse che si sint
- cui che al reste daûr che al sieri la puarte
- cui che al sta ben di une bande al cjate il mâl pront daûr de puarte
- dal cjaval e dal mûl trê pas daûr dal cûl
- daûr dai merits il Signôr al paie
- daûr il sun si bale
- daûr lis cisis e i mûrs no stâ fevelâ
- daûr vint ducj sa navigâ
- e vendeme la muart, al spiule il diaul daûr
- i fîs a train daûr dal pari
- il cjar si tire daûr la scarpe
- il clap al è fûr e il diaul al è daûr
- miôr i çafs daûr che no i predis denant
- no stâ corii daûr a cui che al scjampe
- se a disin par denant, si sa difindisi; se a disin par daûr, i disin al cûl
- se no lis àn, a son daûr a vignî
- si da il bundì e il bon an daûr de persone
