seont
/-ò-/
se|ont
[FO]
-
adi.num., pron.num., s.m.
viôt secont
-
prep.
par segnâ une consecuence, une dipendence, une derivazion, un criteri e v.i.:
a son impuartâts i prodots seont i criteris di ecuitât e di solidarietât (Buteghe dal Mont, Luche Nazzi, Guide par un consum just e solidâl);
fâ un sclip di ben seont lis propriis fuarcis (Pieri Piçul, Vieri e gnûf)
Sin. secontri
, seontri
, daûr
, daûr di
Var. secont
, segont
, sigont
, seiont
-
prep.
daûr de opinion di:
une lapide che, seont ducj chei che le àn studiade e si intindin, e varès di jessi dal VI secul (Francesc Placerean, La vite no je cuintriposizion di valôrs ma armonie di realtâts complementârs);
e seont lôr o varès ancje di crodiur (Tarcisio Venuti, La cjase di Toni)
Sin. daûr
, daûr di
, par
, secontri
, seontri
Var. secont
, segont
, sigont
, seiont
-
s.m.
viôt dâ seont
-
av.
pal solit in costruzions elitichis, in rispuestis che a vuelin dî che e je plui di une opzion:
"Vegnistu al cine dopo?" "Seont… ce isal sù?"
Polirematichis e espressions idiomatichis
Proverbis:
- bisugne fâ il pas seont la gjambe
- bisugne fâ il salût seont il cjapiel
- bisugne fâ la cjalce seont il pît
- bisugne misurâsi seont la borse
- bisugne navigâ seont il vint
- bisugne spindi seont lis fuarcis