par daûr [AF]
- loc.av. de bande posteriôr: vistût a la todescje, cul cjapiel muc furnît, par daûr, di une scovetute di plumis (Maria Forte, La tiere di Lansing); la dì prin un bulo che al lave cuntune Porsche di Zug a 120 su la strade viers Baar i veve centrât par daûr il camionut, fer par voltâ a çampe (Agnul di Spere, Frêt); tal tacuin o vevi un santut e par daûr o ai scrit l'indiriç di mê mari e lu ai butât fûr pal barconut e tal indoman chest ferovîr lu à puartât a mê mari disint che o stevin lant in Gjermanie (Max Mauro, Buchenwald 1944)
-
loc.av.
de bande de schene:
i fruts a vadin a fâ «signôrs» te nêf, butantsi jù par daûr cui braçs a larc (Dino Virgili, La aghe da pît la cleve);
si conte che [lis aganis] a vedin pîts di animâl, massime di raze o di ocje, ma a puedin vê ancje un o ducj i doi i pîts zirâts par daûr (Sandri Carrozzo, Friûl di Magance)
- (ancje fig.) de bande dal cûl o par vie anâl: a lui i ven di starnudâ tant fuart che par daûr al sporcje i linzûi (Andreina Nicoloso Ciceri, Chê de principine - Racconti popolari friulani I); si disin bogn e plens di timôr di Diu, ma se mai a puedin tal ficjin par daûr sence che tu ti nacuarzis (Alviero Negro, La cjase)
-
loc.av.
(fig.)
cence che cdn. si visi, in maniere platade o ancje false, traditore:
almancul o sin coerentis, no fasìn par devant une robe e par daûr une altre! (Jolanda Mazzon, Fûr di timp)
Sin. di scuindon , parsot- soredut di coments o peteçs, dits cuant che cdn. nol è presint: e inmò par daûr mi disin che o soi massepassût (Pieri Somede dai Marcs, Une scarpute); cun dut achel no i sparagnavin lis malis peraulis par daûr (Maria Forte, La tiere di Lansing)
- daûr av., prep., adi.inv., s.m.sing., s.m.inv.
- cui che al nas disfortunât ancje se al cole par daûr si romp il nâs
- cui che mes dîs par daûr jes dîs al cûl