Dizionari de Lenghe Furlane

dopo  /dò-/  do|po  [FO]

1. av., prep., adi.inv. plui tart, tun moment, tun timp sucessîf, ancje cun riferiment a une sucession plui ideâl che cronologjiche o ancje fasint intindi un rapuart di cause e efiet:  mi cjante tal cûr la viere storie par latin di Pauli di Cividât: «… sù pes corints dal Tiliment e Ruvigne; sù par Osôf…». Plui di mil agns dopo o cjanti par furlan la vilote dal Tiliment (Dino Virgili, La vilote dal Tiliment); a vevin simpri alc ce dîsi, e che, dopo miezore di fevelâ fis fis, si lassavin cu la impromesse: «Ti contarai…». (Meni Ucel, Il cicin); i dîs dopo il vecjo marangon lu clamà ancjemò par dâi lavôr (Carlo Sgorlon, Prime di sere); i dulivin tes comissuris come dopo di un grant strapaç (Amedeo Giacomini, Tal ospedâl)
   Sin. daspò , daûr , po dopo , po
   
   1. s.m. ce che al ven plui tart tal timp:  il mûr […] al spartìs ancje il gno timp intune dicotomie stranie: il prin e il dopo, il dolç e il mâr, il vêr e il fals (Franca Mainardis, A ôr dal flum)
2. av., prep., adi.inv. plui inlà tal spazi, intun lûc sucessîf:  dopo fats uns cincuante chilometris, l'altiplan plac e monoton al ven rot di cualchi culine (Javier Grossutti, La emigrazion dal Friûl - Vignesie Julie in Argjentine e in Uruguay); dopo beorcjis di stradis di altris paîs, di altris campagnis, tal plan grant, e jere la citât: Udin, dal biel cjistiel (Dino Virgili, La aghe da pît la cleve)
   Sin. daûr , daspò , po dopo , po
3. av., prep., adi.inv. intune posizion sucessive o secondarie intune scjale di valôrs:  pai furlans, prime e je la cjase, e subit dopo, come lûcs che no si po fâ di mancul, impuartants e di scugnî vê, a son la glesie e la stale (Riedo Pup, I furlans e la stale)
   Sin. daûr , daspò , po dopo , po
4. av. (enf.) par segnâ il passaç a un gnûf argoment o element:  chest il resonament dai favorevui: intant no son spesis.[…] Ma dopo e je une altre reson plui impuartante che la operazion [dai pompîrs par salvâ une passare] e je positive. Si trate di une azion zentîl, delicade, di bon cûr (Riedo Pup, La passare di Dedeà)
   Sin. daspò , po dopo , po
5. coniun. par introdusi aversativis:  jo ti ai dite ce che mi pararès miôr, dopo viôt tu
   Sin. daspò , po , po dopo , po daspò , par altri , ma , però , cun dut achel

Polirematichis e espressions idiomatichis

• dopo cene loc.av., loc.s.m.
• dopo che loc.coniun.
• dopo Crist loc.adi.inv.
• dopo di loc.prep.
• dopo di cene loc.av., loc.s.m.
• dopo di Crist loc.adi.inv.
• dopo di misdì loc.av., loc.adi.inv., loc.s.m.
• dopo dut loc.av.
• dopo gustâ loc.s.m., loc.adi.inv., loc.av.
• dopo gustât loc.av., loc.adi.inv.
• dopo incà loc.av.
• dopo mai loc.av.
• dopo misdì loc.av., loc.adi.inv., loc.s.m.
• o prime o dopo loc.av.
• o prin o dopo loc.av.
• po dopo loc.av.
• prime o dopo loc.av.
• prin o dopo loc.av.
• sierâ il cjôt dopo scjampade la purcite loc.v.
• vignî dopo loc.v.