Dizionari de Lenghe Furlane

dopo mai    [CO]

1. loc.av. (ancje iperb.) di un timp tant lunc:  par lui e jere une robe di chel altri mont che un manoâl al olsàs a rispuindii a lui, che al jere un specializât e che al lavorave cu la dite dopo mai (Carlo Sgorlon, Prime di sere); «La lapide par mê mari ise stade metude a puest?» «Sì, sì, dopo mai. Si è impegnât il pichepieris a fâ dut il lavôr…» (Maria Forte, La tiere di Lansing)
   Sin. daspò mai , dopo incà
   
   1. in espressions enfatichis, par rimarcâ che al è za timp che une azion e je inviade o sucedude o che un fat o une situazion a son:  o jeri rivade al pont che no paiavi plui l'afit. Dopo mai che il paron mi menaçave di butâmi fûr (Gianni Gregoricchio, Trê feminis)
      Sin. daspò , daspò mai , dopo incà

Components:

• dopo av., prep., adi.inv., s.m., coniun.
• mai¹ av., inter.