po dopo
[FO]
-
loc.av.
intun moment sucessîf:
[Toni] al lei e po dopo i da di lei a Rose (Pieri Somede dai Marcs, La buteghe dal barbîr);
al tasè un moment, e po dopo ur contà in dôs peraulis la sô storie (Carlo Sgorlon, Prime di sere)
Sin. po daspò
, po
, dopo
, daspò
-
loc.av.
plui inlà tal spazi:
si pues passâ pal puint di Pinçan, o pûr si pues continuâ su la diestre dal flum tocjant i paîs di Flavuigne, antîc puart di flum, e Forgjarie, in posizion plui alte, prin comun de provincie di Udin su la rive diestre dal Tiliment, rivant po dopo a Trasaghis e Bordan (Luigina Di Giusto, Andrea Guaran, Mauro Pascolini, La culine furlane)
Sin. po daspò
, po
, dopo
, daspò
-
loc.av.
a di un nivel, intun scjalin logjic o di impuartance sucessîf, ancje in corelazion cun altris:
Udin al veve lis placis dal fen, dal vin e de blave. Biei nons! Prime di dut parcè che chei prodots li a jerin degns di onôr e di rispiet […]. E po dopo ancje parcè che chei nons li a varessin podût durâ simpri (Riedo Pup, I furlans e la blave)
Sin. po daspò
, po
, dopo
, daspò
-
loc.av.
par zontâ un element al discors, par introdusi un gnûf argoment o ancje tant che intercalâ cence un vêr significât:
la liste Laurinç le veve picjade su la cape dal cjamin, par no dismenteâsi di nuie: persuts, salams, fuiacis, piecis di formadi, e po dopo fasans, cuaiis, piçocjis, colombins, fersoriis di ucieluts (Angelo Floramo, In chê dì. 9e pontade);
intant si viôt che la scriture di dut il sfuei e je une vore vualive e che la distribuzion su la cjarte e à une concezion unitarie. Po dopo al covente rimarcât che ancje intes altris redazions o cjatìn il sonet tacât daûr dal poeme […]. Par chel o consideri lis dôs poesiis part di une composizion ugnule (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
Sin. po daspò
, po
, dopo
, daspò
Components:
-
dopo
av., prep., adi.inv., s.m., coniun.
-
po
av.