Dizionari de Lenghe Furlane

menâ ator    [AF]

1. loc.v. compagnâ cdn. in plui puescj, ancje cuntun veicul, par sparagnâi fadie, par judâlu, o ben fasintji compagnie, cjapant lis stradis justis, fasint cognossi lis particolaritâts dai puescj e v.i.:  al jere une volte un miedi che al veve un famei di non Toni che lu menave ator cul cjaval a fâ lis visitis ai malâts (Andreina Nicoloso Ciceri, Miedi e famei - Racconti popolari friulani I); mi menà ator par dutis lis canonichis a cerçâ dutis lis specialitâts di vin e a cognossi vizis e virtûts dai predis (Antoni Beline, Pre Pitin)
2. loc.v. movi cuntun moviment circolâr o plui o mancul circolâr:  e scomencin cul menâ ator lis speris par metilis pressapôc su la ore juste (Giovanni Gortani, La teme - Une gnot intun cjastiel)
3. loc.v. ridi di cdn. o tratâ cdn. in mût che altris a ridin di lui
   Sin. cjoli pal cûl , cjapâ pal cûl , cjoli pal boro , cjapâ pal boro , cjoli in zîr , menâ pal boro , menâ pal cûl , menâ pal nâs , burlâ , cjançonâ , coionâ , mincjonâ , ridi , ridi vie , ridi fûr , cjoli vie , remenâ , sorâ , cjapâ pal nâs , cjoli pal nâs , cjapâ in zîr
   
   1. fâ che cdn. al crodi ce che nol è, che al resti ingjanât:  "[…] Ce puedie valê la promesse di un zovin, che al si à lassât menâ ator di vô?" (Vittorio Vittorello, A ogni cost)
      Sin. imbussulâ , imbroiâ , ingjanâ , buzarâ , freâ , freolâ

Components:

• ator av., prep., adi.inv.
• menâ v.tr., v.intr.