Dizionari de Lenghe Furlane

freolâ  fre|o|lâ  [CO]

1. v.tr. tocjâ, cun plui o mancul pression, cuntun moviment lunc, ancje ripetût:  al gjavà dal camisolin un patacot di orloi e al tacà a freolâi la clavute (Maria Forte, Cjase di Dalban)
   Sin. russâ , passâ , freâ , sfreâ , sfreolâ
   Var. freiâ
   
   1. tocjâ la piel o fâ pression sui muscui in maniere di scjaldâ, tonificâ e v.i.:  se la zime e je masse crude e i fâs imbramî lis mans, lui lis freole (Josef Marchet, Lis predicjis dal muini)
      Sin. massazâ
2. v.tr. (fig.) tratâ in mût di complasê:  la Mabile no lu freolave; pitost e deventave simpri plui intrigose (Maria Forte, Mabile la Lunghine)
   Sin. sfreolâ , lusingâ , lenzi , freâ
3. v.tr. (fig., pop.) imbroiâ o meti intune situazion negative, procurâ dam:  o viodarês che, impastanade cussì, ju freolìn come surîs (Roberto Ongaro, Il muc); no stin fâsi freolâ duncje di un scuintri aparent là che i interès rapresentâts a son di une classe politiche e di un stât che nol è bon di dâ rispuestis (Dree Valcic, Il Friûl al cjale bande une gnove Europe)
   Sin. fâ sù , inculâ , infenoglâ , buzarâ , strabuzarâ , taconâ , foti , freâ , sfreolâ
4. v.tr. (fig., pop.) puartâ vie, robâ:  i àn freolâts ducj i bêçs
   Sin. gratâ , foti , robâ , inculâ , taconâ , freâ , sfreolâ