Dizionari de Lenghe Furlane

gratâ  gra|tâ  [CO]

1. v.tr., v.intr. tocjâ cuntun moviment lunc e cuntune cierte pression, soredut cui dêts o cu lis ongulis, ancje plui voltis:  il gjat i saltave tal braç. Po i diseve: «Salamarieris!», slissotantji la schene e gratantlu daûr des orelis (Meni Ucel, Il gjat); denant dì, al è vignût il cjan, come il solit, a gratâ su la mê puarta (Novella Cantarutti, Sacrup)
   Sin. freâ , russâ , rassâ
   Cfr. raspâ
   
   1. gjavâ vie tocjant e passant plui voltis cuntune cierte pression:  [l'oidi] al forme une polvarine blancje su la superficie, che a gratâle cul dêt e lasse un odôr di fonc fuart (Enrico Peterlunger, Lis varietâts di vît resistentis a lis malatiis)
   2. lavorâ cun alc di abrasîf:  al veve tacât a piturâ i scûrs: a 'nd tirave jù un par volte, lu gratave e lu slissotave cu la cjarte di veri e i dave sù il vueli di lin (Roberto Ongaro, Cretevierte); a vignivin aes pocis a fâsi lavâ la gavete: «Cumò, gamel, gratile cul savalon, cumò, resentile, inmò une volte» (Alan Brusini, I universitaris)
   3. ancje di alc di inanimât, produsi une frizion:  i çucui i gratin e i rassin lis ongulis (Ivano Urli, Storie di Vera)
2. v.tr. fâ a tocs piçui midiant di un imprest dûr, in gjenar a pontis:  meti un len tal fogolâr o dentri dal spolert, gratâ il formadi, parecjâ la taule (Carlo Sgorlon, Il dolfin)
3. v.tr. (fig.) sunâ in maniere disarmoniche o agressive un strument a cuarde:  gratâ il violin (Giulio Andrea Pirona, Ercole Carletti, Giovanni Battista Corgnali, Il Nuovo Pirona); gratâ la ghitare (Moira Pezzetta, "Aspettando il sole" di Nicole Coceancig)
4. v.tr. (fig.) puartâ vie cence vê dirit:  [la massarie] e stave vulintîr cu la vecje par vie di chei cuatri carantans che i dave ogni mês e par chei bocons di gustâ che i gratave ogni dì cence che nissun si fos mai visât (Pieri Menis, Il tesaur di done Cheche)
   Sin. robâ , freâ , freolâ , raspâ

Polirematichis e espressions idiomatichis

• gratâ la panze loc.v.