fâ sù
[FO]
-
loc.v.
inrodolâ o involuçâ intor di se stes o cun alc:
al veve il compit di sbobinâ lis peliculis dai films e di fâlis sù tes bobinis plui piçulis dal proietôr (Marta Vezzi, I 40 agns di VideoTeleCarnia);
la panzete e à il stes tratament dal socol. Dome che, dopo lavade cul vin, o dopri une cuince che e nasedi un tic di canele. Dopo e ven rodolade e insacade: o le fâs sù te sô crodie al puest dal budiel, cussì no cjape di ranzit (Diego Navarria, La salsamentarie de Basse)
-
fâ alc che al è inrodolât, involuçât e v.i.:
i siei di cjase lu vevin za mitût a mistîr cuntun altri verzegnàs di chei che stevin fûr di Puarte Bressane, che al vere scomençât a insegnâi a fâ sù spuelis (Giovanni Gortani, Il viaç di Vidisson)
-
meti te valîs la robe che e covente par fâ un viaç:
"Ce isal sucedût siôr dotôr - i disè la parone di cjase cuant che lu viodè a fâ sù lis valîs - ce si impensial? nol varà mighe intenzion di lassânus?" (Pieri Somede dai Marcs, Ta la ombrene de canoniche)
-
loc.v.
(ancje fig., ancje ass.)
fâ une costruzion, un edifici, une struture, in câs ancje imateriâl:
di là de ferade a vevin fat sù tantis cjasis gnovis, ben pituradis, cui cops ros, il zardinut devant cun tantis rosis (Jolanda Mazzon, Di là de rêt);
muredôrs, ma ancje tecnics e impresariis a tacâ dai agns ‘90 dal ‘800 si ju cjate intes tieris de Russie a fâ sù puints e meti jù sinis (Max Mauro, Felix Marchi e il sium dal furlan-furlan);
dit e fat si met a fâ sù une casse di muart, cu lis breis che al à cjatât par cjase (Pieri Menis, Funerâl a Pâl Piçul);
metint dongje alc di ce che mi contavin in Cjargne sot la nape e un fregul di ce che ai sintût a contâ venci jù pal Friûl, e tacant dut insieme pulît cu la salive, soi rivât a fâ sù une flabe di buine misure (Luigi Gortani, Il tor di Mueç)
Cfr. tirâ sù
-
loc.v.
(ancje fig.)
fâ in mût che plui materiâl o plui elements, materiâi o imateriâi, a sedin dongje e a disposizion:
cuant che al jevave il soreli, si lave a fâ sù fen (Alviero Negro, La cjase);
par fâ sù i bêçs, e jere lade bigate a Gradiscjute (Gianni Gregoricchio, Îr e doman)
Components:
-
fâ
v.tr., s.m., v.intr.
-
sù
av., inter., s.m.inv., adi.inv.
Proverbis:
- a fâ sù pe schene di chei altris, nol dûl