lenzi
/lè-/
len|zi
[CO]
-
v.tr.
tocjâ cu la lenghe, par puartâ in bocje mangjant o bevint, par sintî il savôr e v.i.:
[lis vacjis] a tornavin te stale, ognune cjapant de sô bande cence premure, fermantsi ca e là, prime dal scûr, a lenzi une piere pe strade o spilucâ cualchi fros pai cjantons (Ivano Urli, Luvincis)
Sin. lecâ
-
[TS]
zoot.
(ancje ass.)
des bestiis, lecâ il paston di farine e aghe che si ur da par ingrassâlis o par dâur sostance dopo dal part:
cun tantis bestiis che o vin di dâi di lenzi bisugnarès cjoli un mulinut par masanâ in cjase e cussì si sparagnarès la muldure (Pieri Somede dai Marcs, Il prossim)
-
(ancje fig.)
lecâ une feride par netâle e par che e fasi mancul mâl, o ancje dâ un solêf di un dolôr:
ognidune e je une puare, suturne bestie feride, spauride ancje de sô ombrene e che e lenç lis sôs plaiis e creturis (Ivano Urli, Storie di Vera);
jo ti soi obleât di un cuart di vite: / chel to vin, o sei zonte ermafrodite / mi da la vite, e mi cjol a la muart, / lu dolç mi lenç, e lu recent mi ponç (Ermes di Colorêt, I, 89)
-
v.tr.
(fig.)
fâ compliments, adulâ:
i talians a faserin savê ai nestris nonos ce che a pensavin di fâ dai furlans: lenziju de bande juste par doprâju sicu vuardians dai confins a soreli jevât (Francesc Placerean, Cuintristorie dal Friûl dal 1866 fint in dì di vuê)
Sin. adulâ
, onzi1
, sfreolâ
, freolâ
, lustrâ1
, lecâ
-
v.tr.
(fig.)
tocjâ a pene, passâ dongje tocjant:
il batifier al jere pôc lontan, propit su la Roie, che la aghe corinte i lenzeve il mûr di misdì (Maria Forte, Cjase di Dalban);
la ultima spera di soreli che a sbrissava drenti dal balcon a lenzi la tavala granda (Novella Cantarutti, La agna Mariana)
Sin. rasintâ
, lecâ
-
v.tr.
(ancje ass.)
di vistîts o scarpis, jessi masse strents:
finalmentri sen restâts soui. No jodevi la ora!... par liberâmi da li scarpis nuovis che, speciamentri una, a me lenzeva (Gjigji da li breis, Dai nuvissès a li nuossis)
Sin. strenzi
Proverbis:
- Març al intenç, Avrîl al lenç