Dizionari de Lenghe Furlane

onzi¹  /ò-/  on|zi  [AF]

1. v.tr. cuvierzi, tratâ o ancje sporcjâ cuntun gras:  al tirà fûr dal pacut che al veve sul baston un verissut e al scomençà a onzilu [un frut malât] cuntun onzint che al jemplà la cjamare di un bon profum (Pieri Menis, Vigji il cuintribandîr); si meteve a netâ la biciclete de Nine che e jere gnove resinte e ancje i onzeve ruedis e cjadene (Alan Brusini, Come tai romançs)
   Sin. invueleâ ipon.
   
   1. (estens.) tocjâ o bagnâ ancje cun alc di plui o mancul viscôs, ancje se nol è gras:  agne Menie, che i stave dongje dì e gnot, i onzeve i lavris cuntune plume bagnade ta la aghe e zucar (Pieri Menis, Chei di Muraie)
2. v.tr. [TS] religj., lit. te tradizion ebraiche e cristiane, segnâ cdn. cul vueli consacrât par dâi une dignitât religjose o politiche
3. v.tr. (fig.) bagnâ o compagnâ cul vin o cun alc di alcolic:  se al è Zucar intor nol reste plui nuie par onzi il gno gargat! (Anna Bogaro, Dialic semiseri cun Toni Merlot); no 'nd jere bêçs ni grandecis: nome chei prâts arsîts e chei cuatri nemâi; e un sclip di vignâl, tant di onzi la bocjade (Josef Cjargnel, Lis aganis)
   Sin. bagnâ
4. v.tr. (fig.) corompi cdn. dantji bêçs par otignî alc di lui:  par vê la licence al à scugnût onzi la burocrazie
   Sin. dâ la mandule , vueleâ , invueleâ
5. v.tr. fâ content cdn. cun compliments, soredut par otignî alc:  se un al sa onzilu ben, i gjave ce che al vûl (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. cortizâ , freâ , sfreâ , freolâ , sfreolâ , lustrâ¹
6. v.tr. (coloc.) dâ jù pachis:  mi pâr che Zuan al onzeve dispès la sô femine, e sgnesulis di chês che Diu nus vuardi… (Carlo Tolazzi, La salamandrie tal fûc)
   Sin. batiâ , vuadolâ , vuaiâ

Polirematichis e espressions idiomatichis

• onzi i stivâi loc.v.
• onzi il cjar loc.v.
• onzi il corean loc.v.
• onzi il gargat loc.v.
• onzi la gole loc.v.
• onzi la gorne loc.v.
• onzi la schene loc.v.
• onzi lis ruedis loc.v.

Proverbis:

• a vuelin onzudis lis ruedis par che a zirin
• bisugne onzi il cjar par che al cori
• bocje onzude no fevele mâl
• bocje onzude no po dî di no
• cui che nol onç lis scarpis al onç il cjaliâr
• dut si po onzi fûr che il Signôr
• il cjar che no si onç al ciule
• la lenghe e onç, il dint al ponç
• la ruede no zire se no si le onç
• par che il cjar al cori, bisugne onzi lis ruedis
• par che il cjar al ledi, bisugne onzi lis ruedis