bagnâ
ba|gnâ
[AF]
-
v.tr.
fâ che alc al sedi imbombât o cuviert o tocjât di aghe o di un altri licuit:
o sin partîts, none denant tirade sù in code, cui mulots in man, e jo daûr, discolç, cui bregons ravaiâts fin al zenoli par no bagnâju te rosade (Pieri Menis, Il cuader de none);
tai curtîi i contadins a metevin in sest i turclis e a bagnavin lis semplis par sglonfâ lis dovis (Carlo Sgorlon, Prime di sere)
Cfr. adagâ
, inagâ
, imbombî
, bombî
, imbombâ
, implombâ
-
dâ aghe aes plantis o ae tiere dulà che a son o a àn di cressi plantis:
lôr a son stufis di cori, cul sborfadôr, de fontane al ort e dal ort ae fontane par bagnâ il lidric, i brocui, i savôrs, la cevole, i cudumars e saio jo ce altris mindusiis (Josef Marchet, Lis predicjis dal muini);
plovisine fine fine / lizerine, / bagne bagne un freghenin / l'ort del puar contadin (Pieri Çorut, La plovisine)
-
v.tr.
(eufem.)
urinâ, in mût di sporcjâ i panzits, i vistîts, i bleons o sim.:
di un pôc di timp e veve scomençât a sofrî di incontinence di urine e, ogni tant, e bagnave il jet (Roberto Ongaro, Il muc)
-
v.tr.
(fig.)
bevi vin o alc altri par celebrâ alc o ancje dome par stâ in compagnie:
a son robis di no crodi e che ti sucedin dome une volte ta la vite e di chês che si scuen bagnâ, se no altri (Fabian Ros, Eivissa mon amour);
a si dîs: bagnâ il licôf / a si dîs bagnâ i riçots / e jo sì che i ju ai bagnâts / jo sì plera, jo seglot (Giorgio Ferigo, Un emigrant)
Sin. batiâ
Polirematichis e espressions idiomatichis
Proverbis:
- contadin no stâ seâ parcè che la mari il fi e à di bagnâ
- cui che al à bagnât al è ancje bon di suiâ
- cui che al vûl cjapâ il gût, bisugne che si bagni il cûl
- il Signôr al à aghe par bagnâ ducj
- par screâ bisugne bagnâ
- se si vûl piâ pes, bisugne bagnâ il cûl