Dizionari de Lenghe Furlane

dâ jù    [AF]

1. loc.v. dâ botis, dâ pachis:  «Mame… si volìn ben.» e butà fûr Veline cuntun fîl di vôs. «E ancjemò tu lu disis? Ti fâs passâ jo la voie» e cu lis moletis i da jù un brut colp sul cjâf. Veline e scjampà vie par no cjapânt un altri e si metè a vaî, disperade (Pieri Menis, Agne Ursule)
   Sin. onzi¹ , pacâ , pestâ , petâ jù , vescolâ , vuadolâ
   
   1. (fig.) fâ cuintri cun critichis fuartis o cun maltrataments:  tune clape come la nestre, baste tacâ a dâi jù a di un, che al è fotût e segnât a vite (Antoni Beline, Pre Pitin)
      Sin. dâ cuintri , dâ sot , fâ cuintri , frontâ , lâ cuintri , saltâ intor , scorsâ , tacâ , dâ jù pai cuars
2. loc.v. lâ jù, sbassâsi:  parsore dai arbui si viodeve il cîl cuviert di miârs di niulutis piçulis come butui, come bufulutis che a davin jù viers i cuvierts (Amedeo Giacomini, Tal ospedâl)
   Sin. lâ jù , sbassâsi
   
   1. lâ jù di nivel, intensitât, fuarce e v.i.:  "Vueliel la svintuline?" "Sì po, sì po, Contesse, o la ringrazii." "Cussì la scalmane i darà jù plui prest!" (Bepo Marion, Il canocjâl de contesse); par rivâ a stâi daûr al fi, [Leni] si distacave un pôc di Zuan, o vadì il prin bol [di inamorament] al dave jù (Maria Forte, La tiere di Lansing)
   2. fâ lâ jù di nivel, intensitât, fuarce e v.i.:  "Si po, si po! Baste dâ jù i umôrs, baste calmâ i gnarfs, come che ju clamin lis sioris, cumò." (Ercole Carletti, Mariute)
3. loc.v. fâ cognossi, fâ savê, in câs ancje in forme uficiâl:  "Chest al è il certificât de nassite dal frutin, la mari e à dât jù in municipi un non cualuncue […]" (Pieri Somede dai Marcs, Anzule); il zovin al era in gjamba e chel che al veva dât jù a nol era il so veir non (Stiefin Morat, Donald dal Tiliment)
4. loc.v. pierdi colôr:  la cjamese, sul denant, dut une magle di ros, che la golarine e à dât jù (Meni Ucel, La ombrene)
   Sin. discolorî , distenzi , scussâ , smarî

Components:

• dâ v.tr., v.intr.
• jù av., adi.inv.

Proverbis:

• si da jù pai cerclis par che la dove e sinti