Dizionari de Lenghe Furlane

dâ sot    [BF]

1. loc.v. dî o domandâ cun insistence:  ogni volte che al tornave sant Antoni, i deve sot al so cristian par che le menàs a Glemone a sodisfâ al so impegn (Giovanni Gortani, Il meracul di Sant Antoni)
2. loc.v. dî alc in plui, dî un coment, une frase, une domande e v.i. in plui di ce che al è za stât dit:  Passant fûr pal borc a cjalavin ca e là come straneôs, cence olsâ a saludâ nissun. «Ce maravee, puare int» al diseve cualchidun. «Dopo dut» al dave sot un altri «a son lôr che e vegnin culì… Al è chel che al jentre che al devi saludâ par prin» (Pieri Menis, Agne Ursule)
3. loc.v. fâ cuintri, lâ cuintri di cdn. par fâlu scjampâ:  din sot a chê gjarnazie / cun sclopis e falçârs / pe Libertât de Italie / pai nestris fogolârs (Gjiso Fior, Din sot a chê gjarnazie)

Components:

• dâ v.tr., v.intr.
• sot prep., av., adi.inv., s.m.sing.