Dizionari de Lenghe Furlane

pestâ  pes|tâ  [AF]

1. v.tr. tratâ un materiâl dant colps o fasint pression:  te stanzie di là si sintive a pestâ [tabac]: tac tac, tac tac, tac tac al faseve il strangulin di fier tal mortâr di clap (Pieri Menis, Il «trono» dal von); vie pal Unviar i gjavadôrs a vevin butade sù une mont di tiare e cumò i maltarûi la impastavin: a bagnavin la arzile, la pestavin, la messedavin cu la sape (Dino Virgili, La aghe da pît la cleve)
   Sin. bati
   Cfr. fruçâ , sfrenzi , sfracaiâ
2. v.tr. dâ jù pachis a cdn.:  se mi ven la grinte us pesti ducj doi (Pieri Somede dai Marcs, La buteghe dal barbîr); Lise lu cjape e ti comence a pestâlu, ma il frut al rive a scjampâi des mans e si met a cori jù pal curtîl (Pieri Menis, Tinut di Libro)
   Sin. dâ , dâ jù , legnâ , petâ , pacâ
3. v.tr., v.intr. bati i pîts o cui pîts, soredut cun fuarce:  si soflavin il flât su lis mans imbramidis, a pestavin i pîts infurmiâts tai stivalons di pêl (Alan Brusini, Come tai romançs); al pestave cu lis çuculis il pedrât dal curtîl (Carlo Sgorlon, Il dolfin); jo mi consolavi a pestâ cu lis çuculutis tune poce (Ivano Urli, Zuiâ)
   Sin. folpeâ , talpinâ , tibiâ , calpestrâ , folpescjâ
   Var. pescjâ²
4. v.tr. (fig.) someti a maltrataments, persecuzions, violencis e v.i.:  i Celtics, pôc disponûts a adatâsi a vivi di sclâfs, a forin pestâts e talpinâts cence remission (Josef Marchet, Cuintristorie dal Friûl fin sot la Italie)
5. v.tr., v.intr. (fig.) pronunziâ cun fuarce:  e pestave su lis peraulis, nancje che e ves di parà dentri un claut (Gianni Gregoricchio, Trê feminis)
   Sin. bati
   
   1. fevelâ cirint di mostrâ elocuence o paronance di une lenghe:  tantis mestrutis de scuele publiche, si consolin cuant che si viodin a vignî dongje un taponut di sîs agn che al peste miôr che al po par talian (Josef Marchet, Lenghe e lenghis in Italie)

Proverbis:

• aghe peste, aghe e reste