petâ
pe|tâ
[AF]
-
v.tr.
cun sens une vore larc, fâ une azion che e compuarte un impuls, un efiet, un impat, une esplosion, une emission o sim.:
Min al petà un salt jù dal jet e jù di corse pes scjalis (Alviero Negro, Lis âfs di Min);
di frut, a pît, cuant che al rivave alì, al petave simpri une scorsete par rivâ svelt là di là (Maria Forte, La tiere di Lansing);
ca un pôc un scorpion / mi à petât un becon (Pieri Çorut, Raspadicis pal Strolic furlan del an 1859);
al petà un berli, e al colà jù devant daûr (Luigi Gortani, Il matescul di Cjabie);
si divertivin a petâ une ridade cui amîs (Zuan Lurinçon, La Madalene)
Cfr. fâ
, molâ
, sgnacâ
, scussâ
, dâ
-
v.intr.
(ancje fig.)
lâ a finî, soredut cun ciertis consecuencis:
un aiar trement che al jentrave par une lastre rote e che mi petave juste intune orele (Pieri Somede dai Marcs, A Aquilee);
il soreli si sbassave daûr lis polessis altis là vie e al petave ca a stris su lis viis de jarbe seade (Dino Virgili, La massarie);
a bevin masse e il vin ur pete tal cjâf e ur fâs straviodi (Alviero Negro, La cjase)
Sin. dâ
, bati
, pocâ
, çocâ
, lâ
, finî
-
[BF]
vê une tindince:
un neri che al petave a surisin (Maria Forte, Cjase di Dalban)
Sin. tirâ
, trai
, butâ
-
v.intr.
dâ pachis:
«Alore tu sarâs tu a cjapâlis.» «Mê mari no mi pete mai […]» (Carlo Sgorlon, Il dolfin);
cuant che lu coionavin o lu tiravin a ciment, ur coreve daûr e ur petave di lassâju frêts (Antoni Beline, Pre Pitin)
Sin. dâ
, dâ jù
, legnâ
, pestâ
, pacâ
-
v.intr.
someâ just, bon, convenient, comut e v.i.:
a scrivin ancjemò in mil varietâts di furlan e in antantis grafiis diferentis, come che ur pete (Adrian Cescje, Memoriis di politiche linguistiche)
Sin. pocâ
, comodâ
, lâ
, smecâ
Polirematichis e espressions idiomatichis
Proverbis:
- a chel de barete nissun no je pete
- cuant che la joibe il soreli al va tal sac, no ven domenie che nol peti un vuac
- il mont al è fat a scarpete: se al po te pete