convinci
/-vì-/
con|vin|ci
[FO]
-
v.tr.
fâ che cdn. al pensi alc cun sigurece, gjavantji i dubis sburtantlu a mantignî une cierte condote o a fâ une cierte azion:
te place dal paisut si davin daûr i predicjadôrs e bergheladôrs par convinci il popul a tignî la reson o di une bande o di chê altre (Tarcisio Venuti, La cjase di Toni);
Linùs al rivà a convinci Vignesie che ce che al produseve nol leve cuintri dai interès di altris industriis de Republiche fûr dal Friûl, e lu lassarin prosperâ in pâs (Adrian Cescje, Liniis di storie sociâl e economiche dal Friûl 1500 - 1800);
in merit ae droghe, a son tancj di lôr svelts a convinci che nol è nuie, che ti fâs stâ ben e vie indenant (AAVV, Sul florî)
Sin. indusi
, persuadi
, pleâ
, pocâ
, sburtâ
-
v.tr.
ancje ass., dâ une sensazion di fiducie, di scletece:
dutis rispuestis, chês di Checo, che no convincevin il procuradôr e tant mancul l'ispetôr (Roberto Ongaro, Cretevierte);
al jere alc che no lu convinceve (Fabian Ros, L'om che al pierdeve pinsîrs pe strade)
Sin. persuadi
, contentâ
, sigurâ
, pocâ
, smecâ
, plasê1
-
v.tr.
ancje ass., dâ une sensazion di sigurece, fâ impression pes buinis capacitâts:
pal Udin al è un altri pont te scarsele, une altre partide in blanc e neri, cun alc che al funzione avonde ben e alc che nol convinç masse (Marc Stolf, Udinese - Milan 1-1)
Sin. plasê1