scussâ  scu|ssâ  [CO]

  1. v.tr. gjavâ la scusse, la piel:  "Ben ven ca Carlut, fâs alc, scussimi chei vencs, a son lis vermenis dai ultins vencjârs [...]" (Pieri Somede dai Marcs, Resurezion a Pontinie); ai di scussâ un cjastrât, / che îr l'altri mi è crepât (Pieri Çorut, La sagre di Bolzan)
    Sin. spelâ
    1. gjavâ il scus, gjavâ lis fueis des panolis:  Rosute jere vignude a cjase sô a judâ la int a scussâ panolis (Dolfo Zorzut, La furlane)
      Sin. scartossâ
    2. gjavâ un liùm de vuaìne o dal cosul:  i veve puartât il vin e mieze bine di pan, po e jere tornade a scussâ cesarons (Maria Forte, Slobar); Svualdine, la massarie anzianote, e finive di distrigâ i lavôrs po si sentave ancje jê, suntun bredul, a scussâ fasûi o a specolâ sorc (Maria Forte, Cjase di Dalban)
  2. v.tr. ferî in maniere superficiâl:  la valîs che cul so pês mi petave intor mi veve scussade une gjambe (Pieri Somede dai Marcs, Sant Simon: 28 di Otubar 1917)
    Sin. sfrissâ , gratâ , russâ
  3. v.tr. (fig.) fâ lâ jù di colôr:  une jerbe che nissun soreli incandît nol rivave a scussâ (Maria Forte, La cjase dal Murat)
  4. v.tr. (fig., coloc.) fâ deventâ plui puar gjavant bêçs, domandant di jessi paiât une vore:  l'è vêr che a 'nd è di masse interessâts, / e di chei masse avârs / che scussin i massârs (Pieri Çorut, La agricolture)
    Sin. spelâ , gjavâ la piel
  5. v.tr. (fig., coloc.) vê, otignî, gjavâ:  e dopo mi discorin di no aumentâ la tassa sui cjans, se jo fos cunsier comunâl i scussi 24 flurins al an di tassa a ducj chei che jan il gust di mantignî un cjan (Luîs Merlo, Puor Naziut)
    Sin. gjavâ , tirâ
  6. v.tr. (fig., coloc.) meti, ancje cuntune cierte fuarce:  alore i pizeghets ti lu cjapin sù pai pics dal ninzûl e ti lu scussin inta casse e lu taponin cul tapon (Dolfo Zorzut, El cjaliâr sence paùre)
    Sin. molâ , sgnacâ
  7. v.tr. (fig., coloc.) dâ, soredut cuntune cierte fuarce:  chei altris fantats vevin tentât di scussâigji cualchi pugn al Meni, ma lui cuntun pâr di pidadis ju veva mandâts a tignîgji compania al lôr compagn (Ranieri Mario Cossâr, Tinuta, la sartorela)
    Sin. molâ , sgnacâ , slungjâ , petâ
  8. v.tr. (fig., coloc.) dî, pandi, esprimi, soredut cun fuarce e in riferiment a alc di negatîf:  siore 'Sefe voleve tignî dûr [su presit], / ma il vilan i scusse un corpo e fûr (Pieri Çorut, Ne lis gnocis Riç-Ribano)
    Sin. tirâ jù , tirâ fûr , butâ fûr
Polirematichis e espressions idiomatichis