Dizionari de Lenghe Furlane

folpeâ  fol|pe|â  [CO]

1. v.tr. cjalcjâ sot dai pîts:  e à cjatât il cantin che il gno cjan i à folpeât il lidric, par butâ fûr un rosari di malis peraulis (Maria Forte, Varc di confin)
   Sin. pescjâ² , talpassâ , tibiâ , malabiâ
   
   1. cjalcjâ, fâ sintî il pês ancje cence che al sedi sot dai pîts:  i cuadrireatôrs di linie e folpeavin cul carel la piste (Domeni Zannier, La crete che no vai)
2. v.intr. movisi lant a pît:  pe strade e passe dome int folpeant: talpadis une daûr la altre che dopo si infississin intun troi di nêf tibiade e sporcje (Dino Virgili, La aghe da pît la cleve)
   Sin. cjaminâ
3. v.tr. (fig.) someti a prepotencis, umiliazions, dominazions e v.i.:  une consecuence de vite disperade che il furlan al à scugnût menâ sot di tancj parons forescj che lu àn folpeât (Josef Marchet, Sudizion, la pecje dai furlans)
   Sin. pescjâ² , talpassâ , tibiâ