Dizionari de Lenghe Furlane

malabiâ  ma|la|bi|â  [CO]

1. v.tr., v.intr. cjalcjâ cui pîts:  malabiâ il racolt (Giuseppe Ferdinando del Torre, Il contadinel. Lunari par l'an 1857)
   Sin. pescjâ² , calpestrâ , talpassâ , folpescjâ , folpeâ , tibiâ
   Var. malibiâ , malubiâ
   
   1. soredut in costruzion cuntun verp di moviment e il gjerundi, cjaminâ o lâ ator cence une destinazion precise:  i zin malabiant / pûr simpri indentri e infôr, / e cun altris finzìn di fâ l'amôr (Eusebi Stele, Graziosis polzetis); piardût dut, tal 1931 a larin malabiant ator pai Stâts Unîts cirint alc di fâ par tornâ a tacâ (Stiefin Morat, Adalt abàs)
2. v.tr. (fig.) fâ dams
   Sin. pescjâ² , bati , pestâ , fruçâ , cruziâ , lambicâ , tormentâ , travaiâ , tudâ , tumiâ , sassinâ , tibiâ
   
   1. tignî sometût, oprimût o reprimût
      Sin. pescjâ² , bati , sotanâ , somerzi , talpassâ , cruziâ , lambicâ , tormentâ , travaiâ , tudâ , tumiâ , fruçâ , tibiâ