Dizionari de Lenghe Furlane

lambicâ  lam|bi|câ  [AF]

1. v.tr. distilâ cul lambic:  lambicâ la trape (Giulio Andrea Pirona, Ercole Carletti, Giovanni Battista Corgnali, Il Nuovo Pirona); o lambichi jerbis che a vuarissin (Carlo Sgorlon, Ombris tal infinît)
   Var. lamicâ
2. v.tr. (fig.) dâ dolôr, preocupazion, aflizion:  par cjatâ un fregul di salustri a chel dolôr, mut, che lu lambicave, Mario, al tornave jenfri i ricuarts dai Nadâi passâts, cuant che al jere frut (Nello Malisano, Chel Nadâl spietât); cuant che si spere di podê cambiâ colôr aes zornadis… siôr no, al capite simpri alc a lambicânus e, alore, al pâr che dut il mâl al sei dome par nô (Maria Forte, Cjase di Dalban)
   Sin. tormentâ , aflizi , cruziâ , tudâ , fastidiâ , dâ il torment , tumiâ
   
   1. v.tr. dâ fastidi, dâ problemis:  une coerence sistemiche dal scrivi che e lambiche i letôrs plui che judâju (Adrian Cescje, Memoriis di politiche linguistiche)
3. v.intr. (fig.) jessi cjapât di dolôr, preocupazion, aflizion, pene, fadie e v.i.:  vêso sintût? Al lambiche pe vacje, no par chê puare cristiane che e po murî cun dut il frut! (Gianni Gregoricchio, Trê feminis)
   Sin. aflizisi , dolentrâsi , dolorâsi , sidiâsi , tumiâsi , fastidiâ , tormentâsi , bacilâ , lambicâsi , tudâsi , tribulâ