somerzi
/-è-/
so|mer|zi
[CO]
-
v.tr.
fâ stâ dal dut sot de superficie di un licuit:
al à viodût cul canocjâl un fantat butâsi nadant ta chês aghis e puartâ in salf un a la volte su la schene chei biadaçs, prime che la aghe e somerzi lis cjasis (Alan Brusini, Amîs come prime)
Var. somierzi
, sumierzi
-
v.tr.
(fig.)
fâ stâ dal dut dentri di alc, ancje no licuit e in câs ancje no materiâl, cuvierzi ad in plen:
difûr la fumate e somerzeve il mont (Dino Virgili, La aghe da pît la cleve)
-
v.tr.
(fig.)
fâ che alc no si viodi, no si sinti, no si percepissi, platantlu cun alc di plui evident, di plui fuart:
un berlarili di sturnî, un davoi che al rivave a somerzi ancje il sun des cjampanis (Osiride Secco dai Juris, Lis antighis sagris di Tarcint)
-
v.tr.
(fig.)
obleâ cdn. a ubidî:
a son lôr che a fasin crodi tantis robis ae puare int, par podê somerzile cemût che a vuelin (Lelo Cjanton, Alviero Negro, Buie)
Sin. pleâ
, sotanâ
, someti
-
v.tr.
(fig.)
rivâ a dominâ alc:
"Eh, che o ai chê gjambe chi ve, siôr paron, che mi fâs bati la lune... Massime sul cambiament di timp, no pues somerzile" (Riedo Pup, La gjambe di Zaneto)
Sin. vinci
, bati
, pleâ
, dominâ