vinci
vin|ci
[FO]
-
v.tr.
(ancje ass.)
vignî fûr cun sucès di un scuintri, di une competizion, di un confront, di un zûc e v.i.:
a crodevin, lôr, che al bastàs fâ berlâ a la int "Vincere" par vinci la vuere (Roberto Ongaro, Il muc);
Carli, visât dal pape, si môf bande la Italie, dai conzurâts nome Rotgaut e il duche di Trevîs so missêr a tegnin dûr tai lôr intindiments. Te bataie che e ven fûr i Francs a vincin e Rotgaut al mûr (Sandri Carrozzo, Rotgaut e la politiche furlane langobarde);
tu ti alenarâs, tu âs doi mês par tornâ a vê un pôc di ce che si dîs cul balon tal pît. Chê partide o vin di vincile (Stiefin Morat, Donald dal Tiliment);
ae ultime di Avost il fantat al vinceve a Tresesin cun distac la corse di Sante Filumene (Alan Brusini, Come tai romançs)
-
v.tr., v.intr.
superâ cdn. intun scuintri armât, intune competizion, intun confront, intun zûc e v.i.:
i Langobarts a jerin rivâts (cui sa dontri) te Panonie e tal Noric in compagnie dai Avarics, e cun lôr a vevin vinçût i Gjepidis (Josef Marchet, Cuintristorie dal Friûl fin sot la Italie)
Sin. sbaraiâ
, sconfizi
, sdramassâ
, bati
-
v.tr.
otignî un risultât, ricognossiment, un premi e v.i. che a puedin presuponi un confront o une selezion rispiet a altris:
tes elezions regjonâls dal 1968, il Moviment Friûl al vincè 3 conseîrs (Francesc Placerean, Cuintristorie dal Friûl dal 1866 fint in dì di vuê);
ouh, o soi daûr a vinci money a camionadis, fradi! (Stiefin Morat, Donald dal Tiliment);
tal 1984 propit un furlan dal Lusinç […], Carlo Rubbia, al vinç il premi Nobel studiant la interazion eletromagnetiche fra lis parteselis elementârs (Angelo Floramo, Cuintristorie dal Nûfcent 1980-1990);
tal 1930 [Afro Basaldella] al vinç une borse di studi che i permet di lâ a studiâ a Rome (Luca De Clara, Afro Basaldella)
Sin. cjapâ
, concuistâ
, otignî
, rivâ
-
v.tr.
controlâ, dominâ emozions, istints, compuartaments:
si sfuarçave di vinci chê maluserie calme, ma insot, che e veve il so riflès scûr ancje su la sô muse (Maria Forte, La tiere di Lansing);
dafonts da la anime tu âs di vê une naturate, un brut temperament, che a fuarce di stratignîti e di stâ atent, tu sês rivât adore di vincilu e di corezilu (Josef Marchet, Lis predicjis dal muini)
Sin. controlâ
, dominâ
, frenâ
, somerzi
, tignî
, tignî sot
Proverbis:
- cui che al ten dûr le vinç
- cui che al vinç se stes al fâs une grant vitorie
- cui che le dure le vinç
- fuart cui che no si lasse vinci dal pudôr, plui fuart cui che no si lasse vinci de necessitât
- se al plûf a Ssant Laurinç, la campagne le vinç