controlâ
con|tro|lâ
[FO]
-
v.tr.
viodi se e je regolaritât, justece, salût, esistence, eficience e v.i.:
- O sai - mi dîs il polizai - ma cumò nô o controlìn, par cont de finance, se lui si è metût in regule (Riedo Pup, Jo, evasôr fiscâl);
al saveve benon trops bêçs che i restavin, ma al controlave sorepinsîr ogni volte che al si cjatave a vê di spindiju (Carlo Sgorlon, Prime di sere);
a è stada una zornada lungja parcè che al à cugnût pontâ i voi pardut a contâ sacs, a controlâ staderi, a marcâ numars (Novella Cantarutti, I cjans di not);
se no sin usâts a scrivi une lenghe, inta chel câs al è naturâl di controlâ il sens di une peraule cirint la traduzion inte lenghe che o scrivìn par solit (Zorç Cadorin, Presentazion dal DOF piçul)
Sin. analizâ
, cerni
, cjalâ
, esaminâ
, ispezionâ
, scrutinâ
, stazâ
, tastâ
, valutâ
, vandi
, viodi
, verificâ
, provâ
, provinâ
-
v.tr.
vê capacitât e cussience di direzi une azion, une situazion, une cundizion, un element e v.i.:
te seconde metât dal Mil e Votcent doi fisiolics todescs, Gustav Fritsch e Eduard Hitzig, a àn scuviert che il cerviel al controle il cuarp mediant di piçulis scjariis eletrichis (Franc Fari, Il cjâf dai furlans);
e jere buine di puartâsi cun disinvolture e controlâ la sô maravee (Carlo Sgorlon, Ombris tal infinît);
cumò a son lis fameis plui in viste de citât, chês plui facoltosis, a controlâ la elezion dai magjistrâts (Fabian Ros, La invenzion dal stât)
Sin. aministrâ
, condusi
, direzi
, dominâ
, guviernâ
, instradâ
, inviâ
, jessi a cjâf
, menâ
, paronâ
, rezi
, sorestâ
, stratignî
, tignî
, tignî ad a ments
, tignî controlât
, tignî sot
-
v.tr.
mantignî sot de autoritât, de fuarce, dal domini, in gjenerâl par garantî la sigurece:
lis feminis di origjin todescje dai emigrants furlans a son stadis controladis cun severitât des autoritâts militârs talianis e dispès a son stadis confinadis in cualchi lûc de penisule taliane (Matteo Ermacora, La emigrazion furlane in Austrie e in Gjermanie);
la Regjine e je il toc plui fuart e che al pues controlâ plui caselis (Nilde Teresa Negro, Zuìn di scacs)
Sin. dominâ
, paronâ
, comandâ
, vuardiâ
, vuardâ
, tignî controlât
, tignî sot