stratignî
stra|ti|gnî
[AF]
-
v.tr.
(ancje fig.)
fâ che alc, materiâl o imateriâl, o cdn. no si slontani:
po stâi che no mi perdonàs di no jessi stât bon di volêi ben a Geneviève e di stratignîle a Tesis (Carlo Sgorlon, Il dolfin);
al sierà i voi pinsirôs come par stratignî i ricuarts e par grampâ une riflession (Fabian Ros, Il lôf)
Sin. blocâ
, fermâ
, staronzâ
, taiâ
, tignî sot
-
impedî di fâ alc:
Tite al veve plantât la bandiere come un zigo, tai riçots di fier dal piergul, cence che i carabinîrs a vessin podût stratignîlu (Maria Forte, "Nossent");
sence viarzi bocje si jere butade cuintri di Marcelo e e veve tacât a sgrifignâlu. Rico al veve tentât di stratignîle, ma jê no si bonave (Gianni Gregoricchio, La clape)
-
indusi o obleâ a lâ indevant a fâ alc:
Mirco al jere a mieze strade tra la smanie che lu puartave vie e la reson che lu stratignive a pensâ su lis robis (Alan Brusini, Par stradis lungjis)
-
fermâ cdn. a cjacarâ:
une dì jê lu stratignî su la puarte dal fogolâr, che al veve za cjapât sù il cjapiel par lâ vie (Maria Forte, Cjase di Dalban);
Eliseo si visà che e jere une altre volte su lis spinis par vie des gjalinis e dal timp piardût. «Ma jo ti straten» dissal, «e tu tu âs premure di lâ» (Carlo Sgorlon, Prime di sere)
-
v.tr.
rivâ a tignî controlât un impuls psicologjic o fisic:
al sintì un altri sfuarç di gomit, po la bocje plene di sanc. Nol rivà a stratignîlu. Si pleà indenant e al colà jù fûr di sintiment sul asfalt (Amedeo Giacomini, Tal ospedâl);
cuant che la canaie triste i sberlave daûr "Ve la çuete!" Jê e stratignive la rabie par che no i rivàs al cûr tant pront a patî (Maria Forte, La fie çuete)
Sin. contignî
, frenâ
, reprimi
, dominâ
, tignî indaûr
, tignî dûr
, scjafoiâ
, tignî
, tignî sot
-
v.tr.
[TS]
fis., chim., fisiol.
mantignî dentri di se une sostance o une energjie:
la aghe e à une capacitât termiche, ven a stâi une capacitât di stratignî il calôr, cetant plui alte di chê dal teren (Stefano Micheletti, Marcellino Salvador, Notis di meteorologjie pal Friûl - Vignesie Julie)
Polirematichis e espressions idiomatichis