guviernâ
gu|vier|nâ
[AF]
-
v.tr.
(ancje ass.)
direzi un stât o une altre struture doprant il podê politic o aministratîf:
il lavôr e il dovê dal guvier al è chel di guviernâ e no chel di manovrâ in dut e pardut e simpri in viste des elezions che a vignaran dopo (Riedo Pup, Il guviar si picje di bessôl);
o ai tocjât cun man la fuarce dal popul cuant che al guvierne. No esist la libertât fradi, ancje se iludin il popul di vêle (Tarcisio Venuti, La cjase di Toni)
Sin. aministrâ
, direzi
, menâ
, rezi
Var. governâ
-
v.tr.
di fuarce, leç e v.i., determinâ il davuelzisi di un ciert fenomen:
svicinâsi a lis leçs [sientifichis] che a guviernin il nestri mont e a lis creazions dal inzen che a smicjin a fâ cressi il progrès de umanitât (Redazion RAI, Sclesis, cinc minûts di sience e tecnologjie)
-
v.tr.
stâ daûr di alc, o ancje di plantis e bestiis, o ancje di fruts e personis che a àn dibisugne, in mût di tignî in ordin, net, in funzion e v.i.:
tal ort di cjase di gno pari o vevin cuatri cinc spaleris di vîts: merlot e merican. Lis guviernave Turo, un om che al passave plui oris in ostarie che tai vignâi (Lucia Scoziero, Il ricostituent pes vîts);
al jere agnorums che la sô famee [di colonos] e guviernave chê tiere e a Matie no i jere nancje passât pal cjâf di cambiâ chê int (Pieri Menis, Sul agâr)
Sin. regolâ
, rezi
-
v.tr.
tignî il control di une barcje o di une nâf:
malpratics di guviarnâ una barcja fûr del canâl e cun un timp come chel, vevin cedût a lis ondis e al vint (Federigo Comelli, Il me paîs)
-
v.tr.
(eufem.)
taiâ i testicui di un animâl in mût che al deventi plui gras e mugnestri
Sin. spadâ
, cjastrâ