Dizionari de Lenghe Furlane

direzi  /-é-/  di|re|zi  [FO]

1. v.tr. mandâ viers une direzion o voltâ alc viers un pont precîs:  per mancjança di timon leiarin a popa un rem, par direzi la barcja (Federigo Comelli, Il me paîs)
   Sin. instradâ , inviâ , mandâ , orientâ , indreçâ , voltâ ipon. , zirâ ipon.
   Var. dirizi
2. v.tr. comunicâ, dî peraulis, frasis e v.i. a cdn. di precîs:  modest e bon, al rispuindeve cun buine maniere, se i direzevin cualchi domande (Zuan Lurinçon, La Madalene)
   Sin. dî , butâ
3. v.tr. (fig.) fâ di riferiment ideâl, morâl e v.i.:  chest puar sfuei, scrit nome cun fede e cun amôr sconfinât pe Furlanie, chest sfuei […] si è lassât direzi nome da cheste fede (Josef Marchet, E cumò?)
   Sin. guviernâ , sostignî , vuidâ , rezi , indreçâ , menâ
4. v.tr. vê la funzion, la incjarie, la responsabilitât di puartâ indenant une ativitât:  i dirigjents a son responsabii de coretece aministrative, des proceduris di apalt e di concors e di eficience de gjestion dal ufici che a direzin (Aministrazion Publiche, Statût dal Comun di Udin); come se Diu la ves mituda jê par timon da famea che lava malamentri indenant. A si à mitût a fâ li voris di cjasa, a diresi i lavôrs tai cjamps (Ugo Pellis, Catinuta); in parochie nol veve di impaçâsi, che a jerin i capelans: pre Pieri Chiesa, Bepo Cecatto e il bonsignôr a direzi (Antoni Beline, Pre Pitin); [Mauro Tosoni] al direzeve il periodic In Uaite (Max Mauro, Un Friûl difarent: i 90 mhz di Onde Furlane)
   Sin. comandâ , condusi , indreçâ , jessi a cjâf , menâ , regolâ , rezi , sorestâ
   
   1. fâ di diretôr di une corâl, une bande o une orchestre:  la musiche di Pascal Gaigne, sunade de orchestre sinfoniche di Bratislave direzude di David Hernando (Fabian Ros, Loreak, flôrs e cinise)
      Sin. fâ di president , jessi a cjâf , menâ , sorestâ
5. v.tr. fâ rispietâ regulis e dissipline:  il vigjil al dirêç il trafic
   Sin. abadâ , controlâ , guviernâ , indreçâ , regolâ , rezi , tignî a ments , tignî di voli , viodi , vuardiâ
   
   1. [CO, TS] sport jessi responsabil de aplicazion des regulis intune competizion:  l'arbitri che al dirêç une partide internazionâl nol è mai dal paîs di une des dôs scuadris
      Sin. arbitrâ

Proverbis:

• al è facil di direzi lis cjasis di chei altris, al è la sô che al è une vore dificil