Dizionari de Lenghe Furlane

frontâ  fron|tâ  [FO]

1. v.tr. fâ fuarce, fâ pression su alc, spec. cuntune part dal cuarp:  le strissinavin di pês […] le puartavin a une veture ferme cu lis puartis spalancadis. Jê e frontave i pîts par tiere lassant la ferade su la glerie (Alan Brusini, Come tai romançs); rivât denant de stanzie, al veve frontade cun sigurece la mantie e al jere jentrât (Franca Mainardis, Aiar di cjase)
2. v.tr. tacâ a fâ alc che al domande impegn, par fâlu ben, par cirî o cjatâ une soluzion, par rivâ a un risultât e v.i.:  nol jere tal so caratar chel di mocâse par no frontâ i siei dovês (Roberto Ongaro, Il muc); il prin probleme di frontâ par no riscjâ di sierâ buteghe dopo un mês, al è chel des risorsis economichis (Max Mauro, Un Friûl difarent: i 90 mhz di Onde Furlane)
   Sin. bordâ¹ , cjapâ , tacâ
   
   1. cjapâ in considerazion e tratâ un argoment, une cuistion e v.i.:  cuant che si cîr di frontâ argoments tant che lis decimazions o lis insubordenazions dai soldâts, al è ancjemò cui che […] al à cûr di difindi il compuartament des jerarchiis militârs (Carli Pup, La seconde Irlande)
3. v.tr. impegnâsi intun confront cun cdn.:  nissun mi à frontât di persone par criticâmi, simpri par daûr (Christian Romanin, Amato De Monte: Il Friûl, patrie des bataiis di civiltât)
   Sin. cjapâ a pet

Polirematichis e espressions idiomatichis

• frontâ i pîts loc.v.