Dizionari de Lenghe Furlane

cjoli vie    [AF]

1. loc.v. ridi di cdn. o dî alc par ridi o par fâ ridi di cdn.:  "cuant che o viodevin chestis robis, nô fruts si metevin a ridi e a cjoli vie, ma al jere infalibil cualchi vecjut che nus molave a colp une buine croche pal cjâf, par insegnânus a puartâ rispiet (AAVV, Sul florî); "Ce zardin? un cuatri canelons? - la cjolè vie. - Cemût cuatri canelons? che a 'nd è tancj biei vâs di altris rosis! (Jolanda Mazzon, Fûr di timp)
   Sin. cjoli pal cûl , cjapâ pal cûl , cjoli pal boro , cjapâ pal boro , cjoli in zîr , menâ ator , menâ pal boro , menâ pal cûl , menâ pal nâs , burlâ , cjançonâ , coionâ , mincjonâ , ridi , ridi vie , ridi fûr , cjoli ator , remenâ , sorâ , cjapâ pal nâs , cjoli pal nâs , cjapâ in zîr
   
   1. fâ che cdn. al crodi ce che nol è, che al resti ingjanât:  o vin di petâle biele, cjoli vie i fantats dal paîs… (Pieri Somede dai Marcs, A la oselade)
      Sin. imbussulâ , imbroiâ , ingjanâ , buzarâ , freâ , freolâ

Components:

• cjoli v.tr.
• vie s.f., av., inter., s.m.sing., prep.