burlâ
bur|lâ
[CO]
-
v.intr.
(ancje fig.)
movisi svelt, spec. in cercli, in zîr, su se stes o ator di alc o di cdn.:
ca dentri a parin bon feminis ravaiadis in comedon, tiradis sù in codêt e che a ur burlin li cotulis (Anute Fabris, A passe la scalmane)
Sin. balâ
, mulinâ
, sgurlâ
, pirlâ
-
v.intr.
fâ un sunsûr continuât o ancje dâ une sensazion di sunsûr continuât:
jo la mê pôre sì la puarti a spas / seial che al burli o che nol burli il scjas (Meni Ucel, Moments);
il vin i burlave tes orelis, i tufave tes venis e, alore, il cjâf si discjamave di alc (Maria Forte, La tiere di Lansing)
Sin. businâ
-
(fig.)
fâ sunsûr par lamentâsi, ancje pronunziant peraulis:
e son sîs setemanis che nol plûf / e tu, furlan, tu burlis che al è un mês (Luigi Ciceri, Canicule);
[mê mari] e tornave dongje soresere nere di fam e cui fruts che a cirivin e lis vacjs che a burlavin (Antoni Beline, La fabriche dai predis);
"O ai simpri dit jo - al burle - che no va!" (Meni Ucel, Tresesin)
Sin. bruntulâ
-
v.tr.
[BF]
cjoli vie cdn.:
vô che burlant ognun fais grant strapaç / e tanfais la int cu va par strade, / vorès savê, se mai si sês spieglade / par contemplâ la vite, e il biel mostaç (Ermes di Colorêt, I, 51);
jo o ai vidût […] un fantat che al si è inçopedât intun clap, e al è tornât indaûr che ducj […] lu burlavin (Lea D'Orlandi, Usi e credenze friulane relative al "cjatâ marît")
Sin. cjapâ in zîr
, cjoli vie
, cjapâ ator
, menâ ator
, menâ pal boro
, menâ pal cûl
, menâ pal nâs
, remenâ
, cjoli pal cûl
, cjapâ pal cûl
, zornâ
, sorâ
, ridi
, ridi fûr
Proverbis:
- cuant che al burle il fûc, o forescj o regâi o peteçs
- cui che al burle al ven burlât
- se tu ur crodis a ducj tu restis burlât