ingjanâ
in|gja|nâ
[AF]
-
v.tr.
fâ che cdn. al crodi alc che nol è, soredut par vê un vantaç:
chei che a laudin masse a vuelin ingjanâ (Francesc Placerean, Cuintristorie dal Friûl dal 1866 fint in dì di vuê);
i someave pôc just ingjanâ chel biât cristian (Maria Forte, Cjase di Dalban);
al è zût via blestemant pi di un pagan! «Zeit a preâ il vustri Signour - al diseva - Al ni à ducju ingjanâts, al ni à! Jo i no mi impensi pi di Lui!» (Pier Paolo Pasolini, I Turcs tal Friûl)
Sin. burlâ
, cjoli vie
, freâ
, freolâ
, razirâ
, strabuzarâ
, imbroiâ
, furducjâ
, foti
, taconâ
, inculâ
, rizirâ
, cjapâ sot
, imbussulâ
-
dâ une impression falade:
ancje un dai dâts pandût tant che positîf, l'aument dal ûs regolâr fra i zovins dai 18 ai 29, par me al ingjane […] o ai la impression che e sedin semi-fevelants che a "cuincin" une base taliane cul furlan (Dree Venier, Opinions sul futûr. Stant il bon acet di bande de int, cumò si àn di fâ azions plui concretis)
Proverbis:
- cu lis bielis peraulis e i bruts fats si ingjane savis e mats
- il mont al vûl sei ingjanât
- la aparence a ingjane
- lis aparencis a ingjanin
- nissune robe no ingjane plui dal pinsîr
- voli in tane: se no ti à ingjanât, ti ingjane